முன்னாள் பிரதமர் மன்மோகன் சிங், காங்கிரஸ் முன்னாள் தலைவரும், எம்.பி.யுமான ராகுல் காந்தி ஆகியோருக்கு கொரோனா தொற்று ஏற்பட்டுள்ளது. இதையடுத்து அவர்கள் சிகிச்சை பெற்று வருகின்றனர்.
ஈரோடு மாநகர் மாவட்ட காங்கிரஸ் சிறுபான்மை பிரிவு சார்பில் இன்று மூலப்பட்டறையில் உள்ள மாநகர் மாவட்ட கட்சி அலுவலகத்தில் மாவட்ட சிறுபான்மை பிரிவு தலைவர் சுரேஷ் தலைமையில் சர்வமத பிரார்த்தனை நடைபெற்றது. துணைத் தலைவர் பாட்சா முன்னிலை வகித்தார். ஈரோடு மாநகர் மாவட்ட காங்கிரஸ் தலைவர் ஈ.பி.ரவி சிறப்பு அழைப்பாளராக கலந்து கொண்டார். இந்த சர்வமத பிரார்த்தனையின் போது முன்னாள் பிரதமர் மன்மோகன் சிங், முன்னாள் காங்கிரஸ் தலைவர் ராகுல் காந்தி ஆகியோர் தொற்றில் இருந்து குணமடைய வேண்டி பிரார்த்தனை செய்தனர்.