குப்பையில் தீ விபத்து

ஈரோடு மாநகர் பகுதிக்குட்பட்ட வீரப்பன் சத்திரம் அருகே சி.என்.சி கல்லூரி கிழக்கு வீதியில் சாலை ஓரங்களில் குப்பைகள் கொட்டப்பட்டு வருகிறது.

இந்நிலையில் நேற்று மாலை அந்த குப்பைகளில் மர்ம நபர்கள் தீ வைத்துவிட்டு சென்றனர். இதனால் அங்கு கொட்டப்பட்டிருந்த குப்பைகள் முழுவதில் தீப்பற்றி எரிய தொடங்கி, அப்பகுதி முழுவதும் புகை மண்டலமாக மாறியது.

வாகன ஓட்டிகள் மற்றும் அந்த பகுதி வாசிகள் மிகவும் சிரமத்திற்குள்ளாகினர். இதனையடுத்து ஈரோடு தீயணைப்பு துறைக்கு தகவல் தெரிவிக்கப்பட்டது. சம்பவ இடத்திற்கு வந்த தீயணைப்பு துறையினர் கொழுந்துவிட்டு எரிந்து கொண்டிருந்த தீயின் மீது நீரை பீய்ச்சி அடித்து தீயை அணைத்தனர். இதனால் அப்பகுதியில் சிறிது நேரம் பரபரப்பு ஏற்பட்டது.