பவானி அருகே மோட்டார் சைக்கிள் மோதி முதியவர் காயம்
பவானி அருகே நடந்து சென்றபோது மோட்டார் சைக்கிள் மோதி விபத்துக்குள்ளானதில் முதியவர் ஒருவர் காயமடைந்தார்.
பைல் படம்.
ஈரோடு மாவட்டம், பவானி அடுத்த கேசரிமங்கலம் பிரிவு பகுதியை சேர்ந்தவர் மாரிமுத்து (வயது 80). இவர் இரவு சித்தாரில் உள்ள கடைக்கு சென்று விட்டு வீட்டுக்கு செல்வதற்காக சித்தார் பெட்ரோல் பங்க் அருகே நடந்து சென்று கொண்டு இருந்தார்.
அப்போது எதிரே வந்த ஒரு மோட்டார் சைக்கிள் மாரிமுத்து மீது எதிர்பாராமல் மோதியது. இதில் அவரது பின் பக்க தலை மற்றும் கை,கால்களில் காயம் ஏற்பட்டது.
உடனடியாக அக்கம் பக்கம் உள்ளவர்கள் அவரை மீட்டு ஆம்புலன்ஸ் மூலம் பவானி அரசு மருத்துவமனைக்கு அனுப்பி வைத்தனர். அங்கு அவர் சிகிச்சை பெற்று வருகிறார். இதுகுறித்து பவானி போலீசார் வழக்குப்பதிவு செய்து விசாரணை நடத்தி வருகின்றனர்.