ஈரோடு மாவட்டத்தில் நேற்று புதிதாக 64 பேருக்கு கொரோனா

ஈரோடு மாவட்டத்தில் கடந்த சில நாட்களாக கொரோனா தொற்று பரவல் சற்று குறைந்து வருகிறது. நேற்று முன் தினம்  3 ஆயிரத்து 339 பேருக்கு பரிசோதனை செய்யப்பட்டது. இதில் 69 பேருக்கு தொற்று உறுதியானது. இந்த நிலையில் புதிதாக நேற்று ஒரே நாளில், 64 பேருக்கு கொரோனா பாதிப்பு ஏற்பட்டது. இதனால் மொத்த பாதிப்பு எண்ணிக்கை 1 லட்சத்து 32 ஆயிரத்து 326 ஆக உயர்ந்தது.

இதில் 1 லட்சத்து 30 ஆயிரத்து 452 பேர் குணமடைந்தனர்.  நேற்று மட்டும் 191 பேர் கொரோனாவில் இருந்து மீண்டனர். தற்போது 1,141 பேர் சிகிச்சை பெற்று வருகின்றனர். ஈரோடு மாவட்டத்தில் இதுவரை கொரோனாவுக்கு 733 பேர் பலியாகி உள்ளனர்.