ஈரோட்டில் டாக்டர் வீட்டின் பூட்டை உடைத்து திருடிய 4 பேர் கைது

ஈரோடு தங்கவேல் வீதியை சேர்ந்தவர் விஷ்ணுதீபக் (வயது 44). இவர் தனியார் மருத்துவமனையில் தோல் மருத்துவராக பணியாற்றி வருகிறார்.கடந்த 22- ஆம் தேதி இவர் தனது குடும்பத்துடன் வெளியூருக்கு சென்று விட்டு நேற்று காலை மீண்டும் வீட்டிற்கு வந்தார். அப்போது வீட்டின் கதவு உடைக்கப்பட்டு பீரோ வில் வைக்கப்பட்டு இருந்த 45 பவுன் நகை, ரூ.3 லட்சம் ரொக்கம் மற்றும் வெள்ளிப்பொருட்கள் காணாமல் போனது தெரியவந்தது. இதுகுறித்து அரசு ஈரோடு மருத்துவமனை போலீசார் வழக்குப்பதிவு செய்து கொள்ளையர்களை தேடிவந்தனர்.

இந்த நிலையில் இது தொடர்பாக கோவையை சேர்ந்த வசந்த குமார் (27), விக்கி (எ) பிரவீன்குமார் (26), பெரியவன் (எ) பிருத்திவிராஜ் (23).அருண்குமார் (24) ஆகிய 4 பேரை பிடித்து விசாரித்ததில் மருத்துவர் வீட்டில் திருடியதை ஒப்புக்கொண்டனர். இதையடுத்து போலீசார் கைது செய்தனர். மேலும், அவர்களிடம் இருந்து 45 பவுன் நகை, ரூ.3 லட்சம் ரொக்கம் மற்றும் வெள்ளி பொருட்களை போலீசார் பறிமுதல் செய்தனர்.