கொடைரோடு அருகே கைதி தப்பி ஓட்டம்: போலீசார் தேடுதல் வேட்டை..!

திண்டுக்கல்.

தென்காசி மாவட்டம், கடையம் பகுதியை சேர்ந்த பாலமுருகன் (35). இவர் மீது திருட்டு மற்றும் பல்வேறு வழக்குகள் நிலுவையில் இருந்த நிலையில், இடுக்கி மாவட்டம் மறையூர் போலீசார் அவரை கைது செய்து சிறையில் அடைத்தனர்.

இந்நிலையில், அவர் திருடிய நகைகளை எங்கே வைத்துள்ளார் என விசாரணை நடத்துவதற்காக கஸ்டடி எடுத்தனர். கடந்த 17ம் தேதி பாலமுருகனை காவலில் எடுத்த போலீசார் திருச்சிக்கு அழைத்து சென்றனர்.

நேற்று இரவு திண்டுக்கல், கொடைரோடு சுங்கச்சாவடி அருகே வந்தபோது டீ சாப்பிட இறங்கிய போலீசார் பாலமுருகனுக்கு டீக்கடையில் பிரட் மற்றும் டீ வாங்கி கொடுத்தபோது சிறுநீர் கழிக்கச் செல்வதாக கூறிய பாலமுருகன் கைவிலங்குடன் இருட்டில் தப்பியோடினார்.

தகவல் அறிந்து இன்ஸ்பெக்டர் குமரேசன் மற்றும் போலீசார் சம்பவ இடத்திற்கு விரைந்து வந்தனர். அவர்கள் கொடைரோடு மற்றும் சுற்றுப்புற பகுதிகளில் தீவிர தேடுதல் வேட்டையில் ஈடுபட்டனர்.  கைவிலங்குடன் கைதி தொப்பையை செய்தி அப்பகுதியில் பரபரப்பை ஏற்படுத்தியுள்ளது.