காரிமங்கலம் அருகே தேனீக்கள் கடித்து முதியவர் சாவு: போலீசார் விசாரணை

தருமபுரி மாவட்டம், காரிமங்கலம் அடுத்த திண்டல் தரப்பு மேல்சவுல்பட்டி கிராமத்தைச் சேர்ந்தவர் சின்னப்பிள்ளை கவுண்டர் வயது 80. இவர் இன்று கபினி நிறுவனத்தின் அருகே சாலையில் சென்றுகொண்டிருந்தபோது, புளிய மரத்தில் இருந்து வந்த தேனீக்கள் கடித்து  மயங்கி விழுந்தார்.

அங்கிருந்தவர்கள் உடனடியாக அவரை சிகிச்சைக்காக தர்மபுரி அரசு தலைமை மருத்துவமனைக்கு கொண்டு சென்றனர். அங்கு அவர் சிகிச்சை பலனின்றி உயிரிழந்தார்.

இதுகுறித்து காரிமங்கலம் போலீஸார் விசாரித்து வருகின்றனர்.