பேரூர் ஆதினத்திடம் ஆசி பெற்ற கமல்ஹாசன்

கோவை தெற்கு சட்டமன்ற தொகுதியில் மக்கள் நீதி மய்யம் தலைவர் கமலஹாசன் போட்டியிடுகிறார். பல்வேறு பகுதிகளில் தீவிர பிரச்சாரம் மேற்கொண்டு வரும் அவர் பொதுமக்களை சந்தித்து ஆதரவு திரட்டி வருகிறார்.

இதன் ஒரு பகுதியாக கோவை பேரூர் ஆதீனம் மருதாச்சல அடிகளாரை சந்தித்தது ஆசி பெற்றார். தெற்கு சட்டமன்ற தொகுதியில் போட்டியிட முடிவு செய்ததற்காக வாழ்த்துகள் தெரிவித்த பேரூர் ஆதீனம், கமலஹாசன் அவர்களின் செயல்பாடுகளை உன்னிப்பாக கவனித்து வருவதாகவும் மதநல்லிணக்கத்திற்காக அவரது குரல் ஓங்கி ஒலிக்கிறது  எனவும் கூறினார்.

எங்கள் கல்லூரி மூலமாகவும் நிர்வாகம் மூலமாகவும் கிராம சபை தீண்டாமை ஒழிப்பு மற்றும் பெண்கள் முன்னேற்றம் போன்றவைகளுக்காக குரல் கொடுத்து வருகிறோம் என்றவர் தங்களின் எண்ணங்களும் அதுவாகவே இருப்பதாகவும் இது மேலும் சிறப்பாக செய்ய வேண்டும் என்று தனது வாழ்த்துகளை கூறினார்.