சென்னை பேருந்தில் பள்ளி மாணவர்கள் அட்டகாசம்: போலீசார் விசாரணை

சென்னை எம்.கே.பி. நகரில் இருந்து அண்ணா சதுக்கம் நோக்கி சென்ற மாநகர பேருந்து 2A வில் மாணவர்கள் சிலர் ஏறி அட்டகாசத்தில் ஈடுபட்டனர். மேலும் சில மாணவர்கள் பேருந்தின் கம்பியை பிடித்துக்கொண்டு சாலையில் கால்களை தேய்த்துக்கொண்டே ஆபத்தான முறையில் சாகசத்தில் ஈடுபட்டனர். இதனை பேருந்தில் இருந்த பயணிகள் கண்டித்ததால் மாணவர்கள் வாக்குவாதத்தில் ஈடுபட்டனர்.

அட்டகாசத்தில் ஈடுபட்ட மாணவர்களை ஓட்டுநர் மற்றும் நடத்துனரும் கண்டித்தனர். மாணவர்கள் அட்டகாசத்தில் ஈடுபட்ட வீடியோ சமூக வலைத்தளங்களில் வேகமாக பரவி வருகிறது.

இதனிடையே சென்னை அண்ணா சதுக்கத்தில் இருந்து பெரம்பூர் சென்ற பேருந்தில் பயணித்த பள்ளி மாணவர்கள், ஓட்டுனரை கல்லால் தாக்கிவிட்டு தப்பியோடினர். படியில் தொங்கி கொண்டிருந்த மாணவர்களை ஓட்டுநரும், நடத்துனரும் உள்ளே வரும்படி வலியுறுத்தினர்.

இதுகுறித்து கீழ்ப்பாக்கம் போலீசார் வழக்குப்பதிவு செய்து விசாரணை மேற்கொண்டு வருகின்றனர்.