பெரம்பூரில் பேருந்தில் தவறி விழுந்த ஆட்டோ டிரைவர் மரணம்

பெரம்பூர் டிமலஸ் சாலையைச் சேர்ந்தவர் கஜேந்திரன் (51). இவர் ஆட்டோ ஓட்டி வருகிறார். நேற்று கண்ணதாசன் நகர்- பிராட்வே இடையே இயக்கப்படும் தடம் எண்- 94கே அரசு பேருந்தில் பயணித்தார். பெரம்பூர் பிபி சாலையில் உள்ள பேருந்து நிறுத்தத்தில் நின்று செல்லும் போது, கஜேந்திரன் பேருந்திலிருந்து இறங்க முயற்சித்துள்ளார். அதில் நிலைதடுமாறி கீழே விழுந்ததில், பேருந்தின் பின் சக்கரம் அவரின் கால் மீது ஏறியது. அங்கிருந்தோர் மீட்டு, ஸ்டான்லி அரசு மருத்துவமனை அனுப்பி வைத்தனர். இந்நிலையில், சிகிச்சை பயனின்றி, நேற்று இரவு உயிரிழந்தார். இது தொடர்பாக அண்ணா நகர் போக்குவரத்து புலனாய்வு பிரிவு போலீசார் வழக்கு பதிவு செய்து விசாரிக்கின்றனர்.