ஒல்லி பெல்லீஸ்...இதெல்லாம் ஃபாலோ பண்ணுங்க... அப்றம் பாருங்க ஜம்முனு ஃபிட் ஆகிடுவீங்க...!

உடல் எடையை குறைக்க பலர் முயற்சி செய்கிறார்கள். அதே அளவு உடல் எடையை அதிகரிக்கவும் (weight gain )சிலர் முயற்சி செய்கிறார்கள். சிலர் உடல் எடையை அதிகரிக்க துரித உணவு போன்ற ஆரோக்கியமற்ற உணவுகளை உட்கொள்ளத் தொடங்குகிறார்கள். இது உடலுக்கு தீங்கு விளைவிக்கும். ஒல்லி என கிண்டல் செய்யும் காரணமாக இப்படி சாப்பிட்டு உடல் எடை அதிகரிக்க செய்து நோய் தான் வருது.

ஆரோக்கியமான முறையில் உடல் எடையை அதிகரிக்க சத்தான உணவை சாப்பிடுங்கள் . சில நேரங்களில் குறைந்த எடை காரணமாக தன்னம்பிக்கை கூட இல்லாம இருப்பாங்க .இதனால், அவர்கள் வெளியில் செல்ல தயங்குகிறார். அதனால் ஆரோக்கியமான முறையில் உடல் எடையை அதிகரிப்பதற்கான சில வழிகள் பார்ப்போம்.

 உடல் எடை அதிகரிக்க (weight gain ) சில முறைகள் | Weight gain tips

1.சரியான இடைவெளியில் உணவு:

உடல் எடையைக் குறைக்க மக்கள் பெரும்பாலும் உணவைத் தவிர்க்கிறார்கள். உடல் எடையை அதிகரிக்க உணவை தவிர்க்க வேண்டாம். காலையில் வீட்டை விட்டு வெளியேறும் முன் ஆரோக்கியமான காலை உணவை சாப்பிடுங்கள். சிறிய பசி வேதனையை குறைக்க உலர் பழங்கள் மற்றும் விதைகளை வைத்து சாப்பிடலாம்.

2.அதிக கலோரி நிறைந்த உணவுகள்:

ஆரோக்கியமான முறையில் எடையை அதிகரிக்க கலோரி நிறைந்த உணவு உட்கொள்ளலை அதிகரிக்க வேண்டியதும் அவசியம். கலோரி உட்கொள்ளலில் கொழுப்பு மற்றும் புரதத்தைச் சேர்க்கவும். கலோரிகளை அதிகரிக்க ஒரு நாளைக்கு பல முறை இவற்றை சாப்பிடவும். அதே போல உணவுகளை நன்றாக மென்று சாப்பிடவும், அவசரமாக சாப்பிடுவதை தவிர்க்கவும். முழு தானியங்கள், பருப்பு வகைகள், காய்கறிகள், வாழைப்பழங்கள், மாம்பழம், திராட்சை, கொட்டைகள், நெய் மற்றும் எண்ணெய் ஆகியவற்றை உணவில் சேர்த்துக் கொள்ளுங்கள்.இதனால் உடலுக்கு மிகவும் சத்து கிடைக்கும்.

3.பால் பொருட்கள் (Dairy products) :

எடையை அதிகரிக்க கண்டிப்பாக பால் பொருட்களை உணவில் சேர்த்துக் கொள்ளுங்கள். உணவில் பால், தயிர் மற்றும் பாலாடைக்கட்டி ஆகியவற்றை உட்கொள்ளுங்கள்.இவ்வாறு செய்வதால் உடலில் கொழுப்பு அதிகரிப்பதோடு உடல் எடையும் அதிகரிக்கும். பால் பொருட்களை உட்கொள்வதால் எலும்புகளும் வலுவடையும்.

4.உணவில் புரதத்தை சேர்த்துக் கொள்ளுங்கள்:

உடல் எடையை அதிகரிக்க, புரதச்சத்து நிறைந்த உணவை உட்கொள்வது அவசியம். ஏனெனில் இது தசைகளை வலுவாக்க உதவுகிறது மற்றும் உடலை வலிமையாக்குகிறது. புரதத்தை உட்கொள்வது ஆரோக்கியமான வழியில் எடை அதிகரிக்க வழிவகுக்கிறது. சோயா, நட்ஸ், பருப்பு வகைகள், கோழி மற்றும் மீன் ஆகியவற்றிலிருந்து புரதத்தை எடுத்துக் கொள்ளலாம்.

5.உணவுக்கு முன் தண்ணீர் குடிப்பதை தவிர்க்கவும் | Avoid drinking water before meals

நாள் ஒன்றுக்கு 2 முதல் 3 லிட்டர் தண்ணீர் குடிக்க வேண்டும். குறைந்த அளவு தண்ணீர் குடிப்பதால், உடலில் பல வகையான நோய்கள் ஏற்படும். உணவுக்கு முன் தண்ணீர் குடிப்பதைத் தவிர்க்கவும். ஏனெனில் இதைச் செய்வதன் மூலம் நீங்கள் முழுதாக உணருவீர்கள். இதனால், சரியாக சாப்பிட முடியாமல், உடல் எடை அதிகரிப்பதில் பிரச்சனை ஏற்படும்.

 6.உடற்பயிற்சி:

உடல் எடையை குறைக்க உடற்பயிற்சி அவசியம் என்று மட்டுமே பலர் நினைக்கிறார்கள். ஆனால், உடல் எடையை அதிகரிக்க உடற்பயிற்சி செய்வது அவசியம். உடற்பயிற்சி தசைகளை வலுவாக்க உதவுகிறது மற்றும் உடலை ஆரோக்கியமாக வைத்திருக்க உதவுகிறது. ஆரோக்கியமான முறையில் உங்கள் உடல் எடையை அதிகரிக்க இந்த முறைகளை பின்பற்றலாம்.