இட்லிய இவங்கெல்லாம் சாப்பிட கூடாதா! அச்சச்சோ !.. இந்த நோய் இருக்கவங்கெல்லாம் கவனமா இருங்க ..!

இட்லி( Idli ) என்றாலே குழந்தைகள் முதல் பெரியவர்கள் வரை எல்லோரும் சாப்பிட ஏற்ற ஆரோக்கியமான உணவு என்பது நமக்குத் தெரியும். அதிலும்  ஆவியில் வேகவைக்கப்படுவதால் மிக எளிதில் ஜீரணமாகும் ஓர் உணவாகவும் இருக்கிறது. அதேசமயம் இட்லியால் சில பிரச்சனைகளும் இருக்கின்றன. உடலில் சில பிரச்சனைகள் இருப்பவர்கள் இட்லியை தவிர்ப்பது நல்லது. அப்படி இட்லியை யாரெல்லாம் தவிர்க்க வேண்டும் என்று இங்கு பார்க்கலாம் வாங்க.

இட்லி( Idli ) எல்லா வகையிலும் மிக எளிமையான உணவு என்று சொல்லலாம். விலை, செய்யும் முறை, சுவை, செரிமான ஆற்றல், எளிதாகக் கிடைப்பது என எல்லா வகையிலும் இது ஒரு எளிமையான உணவு. சாலையோர கடைகள் முதல் ஸ்டார் ஹோட்டல் வரை எல்லா இடங்களிலும் கிடைக்கும் உணவு என்றால் அது இட்லி என்று சொல்லலாம். அதேசமயம் அதிலுள்ள ஒருசில பக்க விளைவுகள் பற்றியும் நாம் தெரிந்து வைத்திருக்க வேண்டியது முக்கியம்.

இட்லி சாப்பிடுவதன் ஆரோக்கிய நன்மைகள் என்னென்ன? | health benefits of eating idli

இட்லி( Idli ) மாவு புளிக்க வைத்த பிறகு தயாரிக்கப்படுகிறது. இது குடலுக்கு நன்மை செய்யக்கூடியது. நொதித்த செயல்முறை ஊட்டச்சத்து உறிஞ்சுதலை அதிகரிக்கிறது. மேலும் நன்மை பயக்கும் குடல் பாக்டீரியாக்களின் வளர்ச்சியை ஊக்குவிக்கிறது. இதனால் செரிமானம் மேம்படுகிறது. உடலில் ஒட்டுமொத்த குடல் ஆரோக்கியத்தை மேம்படுத்தும் உணவில் இட்லி முதன்மையானது.

இட்லியில்( Idli ) நார்ச்சத்து மற்றும் புரதச்சத்து நிறைந்துள்ளது. இது நீண்ட நேரம் நிறைவாக வைத்திருக்கும். இதனால் அதிகமாக சாப்பிடுவதை தடுக்கிறது. இதனால் எடை கட்டுப்படுத்த உதவுகிறது. இதில் இருக்கும் புரதம் மற்றும் சாம்பாரில் இருக்கும் அதிக காய்கறிகள் சத்துமிகுந்தவை. உண்மையில் இந்த உணவு முழுமையான ஆரோக்கியமான உணவாக இருக்கும்.

அதனால் எடையை குறைக்க நினைப்பவர்கள் தங்களுடைய டயட்டில் சேர்த்துக் கொள்ளலாம். ஒரு இட்லி 90 - 100 கலோரிகள் அளவு இருக்கும். புரதங்கள் கொண்டது - அரிசியுடன் உளுத்தம் பருப்பும் சேர்த்து அரைத்து செய்யப்படுவதால் அதிலுள்ள புரதங்களும் கிடைக்கும்.

இட்லி( Idli ) ஆவியில் வேகவைத்து சாப்பிடுவதால் அதிலுள்ள நார்ச்சத்துக்கள் வீணாகாமல் பார்த்துக் கொள்ளலாம். இதனால் ஜீரண ஆற்றலும் அதிகரிக்கும்.

 மற்ற உணவுகள் போல எண்ணெய் சேர்க்கப்படுவது இல்லை. அதனால் கொலஸ்ட்ரால் குறைவு. இதய ஆரோக்கியமும் பாதுகாக்கப்படும்.கார்போ உணவாக இருந்தாலும் கலோரிகளை கட்டுப்படுத்தி சர்க்கரையை கட்டுப்பாட்டுக்குள் வைத்திருக்க நினைப்பவர்கள் மிகக் குறைவாக இட்லியை சேர்த்துக் கொள்ளலாம்.

இட்லியை யாரெல்லாம் சாப்பிட கூடாது | Who should avoid eating idli?

இதுதான் நாம் கட்டாயம் தெரிந்து கொள்ள வேண்டிய விஷயம். இட்லி ( Idli )மிக ஆரோக்கியமான உணவாகவே இருந்தாலும் சில காரணங்களால் சிலர் இட்லி சாப்பிடுவதை தவிர்க்க வேண்டும்.

நீரிழிவு நோயாளிகள் :

கலோரிகள் மிதமாக இருக்கின்றன என்பதற்காக தினமும் 4 இட்லி ( Idli )எடுத்துக் கொண்டால் அது தவறு. அதோடு புரதங்கள் இருந்தாலும் அதன் பெரும்பகுதி கார்போஹைட்ரேட். அதோடு கிளைசெமிக் குறியீடும் அதிகம் என்பதால் நீரிழிவு நோயாளிகள் இட்லியை ( Idli ) அதிகமாக எடுப்பதை தவிர்ப்பது நல்லது.

குடல்சார்ந்த பிரச்சனைகள் உள்ளவர்கள் :

அசிடிட்டி, நெஞ்செரிச்சல் மற்றும் குடல் சார்ந்த பிரச்சனைகள் உள்ளவர்கள் இட்லியை அதிகமாக எடுக்கக் கூடாது. ஏனெனில் இட்லி புளித்த உணவு என்பதால் அது செரிககும் போது வெளியிடும் நிறைய வாயுக்கள் குடல் பிரச்சனைகளை அதிகரிக்கலாம்.

உடல்பருமன் உள்ளவர்கள் :

இட்லியில் அதிகமாக கார்போஹைட்ரேட் மற்றும் ஸ்டார்ச் இருப்பதால் இது உடல் எடையை அதிகரிக்கக் கூடும். அதனால் உடல் பருமன் உள்ளவர்கள் தவிர்ப்பது நல்லது.

செரிமான கோளாறு :

இட்லி ( Idli )சாப்பிடுவதால் செரிமான கோளாறுகள் ஏற்படுவது இல்லை. ஆனால் ஏற்கனவே செரிமான கோளாறு பிரச்சனை உள்ளவர்கள் தவிர்ப்பது நல்லது.

மூட்டுவலி பிரச்சனை :

மூட்டுவலி, ஆர்த்தரைடிஸ் உள்ளிட்ட பிரச்சனை உள்ளவர்கள் அதிகமாக அரிசி உணவுகள் எடுத்தால் மூட்டுவலி அதிகரிக்கும்.

அழற்சி பிரச்சனை :

சிலருக்கு சில பருப்புகளில் அழற்சி இருக்கலாம். உளுந்து உள்ளிட்ட பருப்புகளால் அழற்சி ஏற்படுகிறவர்கள் இட்லியை குறைத்துக் கொள்ளவோ தவிர்க்கவோ செய்யலாம்.

மேற்கண்ட பிரச்சனைகள் இருப்பவர்கள் தினசரி உணவில் இட்லியைச் சேர்த்துக் கொள்ளும்முன் உங்களுடைய மருத்துவரிடம் ஆலோசனை செய்து கொள்ளுங்கள்.

இட்லியை எப்படி இன்னும் ஆரோக்கியமாக மாற்றலாம்?

• இட்லியில்( Idli ) வழக்கத்தை விட உளுத்தம்பருப்பு அதிகமாக சேர்க்கலாம். அல்லது அரிசியைக் குறைத்துவிட்டு சிறிது பாசிப்பருப்பும் சேர்த்தும் ஊறவைத்து இட்லி மாவு அரைத்தால் கார்போஹைட்ரேட் குறைந்து புரதங்கள் அதிகரிக்கும்.
  
• இட்லி( Idli ) மாவில் உங்களுககுப் பிடித்த கேரட், பீன்ஸ், காலிஃபிளவர் உள்ளிட்ட நிறைய காய்கறிகள் சேர்த்து வெஜிடபிள் இட்லியாக செய்யலாம்.
  
• வெறும் சட்னி மட்டும் இல்லாமல் புரதங்கள் நிறைந்த சாம்பாருடன் சேர்த்து பரிமாறலாம்.
• இட்லி மாவில் ( Idli )அரிசிக்கு பதிலாக கார்போஹைட்ரேட் குறைவாக உள்ள ஓட்ஸ், ராகி உள்ளிட்ட சிறுதானியங்கள் சேர்த்து செய்யலாம்.
  

இட்லி ( Idli )என்னதான் ஆரோக்கியமான உணவாக இருந்தாலும் அவரவர் உடல் நிலையைக் கருத்தில் கொண்டு உங்களுடைய டயட்டில் சேர்த்துக் கொள்வது நல்லது. ஏனெனில் அளவுக்கு மிஞ்சினால் அமிர்தமும் நஞ்சு என்பது இட்லிக்கும் பொருந்தும் என்பதை மனதில் வைத்துக் கொள்ளுங்கள்.