body { font-family: Arial, sans-serif; line-height: 1.6; padding: 20px; } h1 { color: #333; font-size: 28px; text-align: center; } h2 { color: #444; font-size: 24px; background-color: lightblue; padding: 10px; } p { color: #333; font-size: 18px; text-align: justify; } table { width: 100%; border-collapse: collapse; margin: 20px 0; table-layout: fixed; } th, td { border: 1px solid black; padding: 8px; text-align: center; } th { background-color: #f2f2f2; } .qa { margin: 20px 0; padding: 10px; background-color: #f9f9f9; } .qa h4 { font-size: 20px; margin-bottom: 10px; } .qa p { font-size: 18px; }

பூண்டின் நன்மைகள்: 5 காரணங்கள் ஏன் காலையில் 1 பல் பூண்டு சாப்பிட வேண்டும்

தற்போது உடல் ஆரோக்கியத்தை சிறப்பாக வைத்துக் கொள்ள மக்கள் பல்வேறு பழக்கவழக்கங்களை கொண்டுள்ளனர். அதுவும் உடல் ஆரோக்கியத்தை மேம்படுத்த பல்வேறு உணவுப் பொருட்கள் நம் வீட்டு சமையலறையில் உள்ளன. அதில் ஏராளமான மருத்துவ பண்புகளைக் கொண்ட ஒரு பொருள் தான் பூண்டு. இந்த பூண்டு தினசரி உணவில் நல்ல மணத்திற்காகவும், சுவைக்காகவும் சேர்க்கப்பட்டு வந்தாலும், இந்த பூண்டில் உள்ள முழு சத்துக்களையும் பெற சிறந்த வழி, அதை பச்சையாக சாப்பிடுவது தான்.

பூண்டில் அல்லிசின், சல்பர், செலினியம், அத்தியாவசிய வைட்டமின்களான பி6 மற்றும் சி போன்ற சக்தி வாய்ந்த சத்துக்கள் உள்ளன. இந்த சத்துக்கள் நோயெதிர்ப்பு சக்தியை அதிகரிப்பது முதல் இதய ஆரோக்கியத்தை மேம்படுத்துவது வரை பல நன்மைகளை வழங்குகின்றன. நீங்கள் உங்கள் ஆரோக்கியத்தை மேம்படுத்த விரும்பினால், பூண்டு பற்களை காலையில் வெறும் வயிற்றில் சாப்பிடுங்கள். இப்போது காலையில் வெறும் வயிற்றில் 1 பல் பூண்டு சாப்பிடுவதால் என்னென்ன நன்மைகள் கிடைக்கும் என்பதைக் காண்போம்.

நோயெதிர்ப்பு சக்தி மேம்படும்

பூண்டு பற்களை தினமும் காலையில் சாப்பிடுவதால் கிடைக்கும் நன்மைகளுள் ஒன்று, இது உடலின் நோயெதிர்ப்பு சக்தியை மேம்படுத்துவதாகும். பூண்டில் அல்லிசின் என்னும் பொருள் உள்ளன. இது உடலினுள் நுழையும் நோய்க்கிருமிகளை எதிர்த்துப் போராட தேவையான ஆற்றலை உடலுக்கு வழங்குகின்றன. எனவே உங்களுக்கு அடிக்கடி சளி பிடித்தாலோ அல்லது நீங்கள் அடிக்கடி நோய்வாய்ப்பட்டு வந்தாலோ, உடலின் நோயெதிர்ப்பு சக்தியை அதிகரிக்க, 1 பூண்டு பல்லை தினமும் காலையில் உட்கொண்டு வாருங்கள். இதனால் நோயெதிர்ப்பு மண்டலம் வலுபெறும்.

இரத்த அழுத்தம் சீராகும்

இன்று பெரும்பாலானோர் அவதிப்படும் ஒரு பொதுவான பிரச்சனை தான் உயர் இரத்த அழுத்தம். ஆனால் பூண்டு இரத்த அழுத்த அளவில் நேர்மறையான தாக்கத்தை ஏற்படுத்தும். ஆய்வு ஒன்றில், பூண்டில் உள்ள அல்லிசின் என்னும் பொருள் இரத்த நாளங்களை தளர்வடையச் செய்து, இரத்த ஓட்டத்தை மேம்படுத்துவது தெரியவந்துள்ளது. எனவே உங்களுக்கு இரத்த அழுத்த பிரச்சனை இருந்தால், அதைக் கட்டுப்படுத்த காலையில் வெறும் வயிற்றில் ஒரு பல் பூண்டு சாப்பிடுங்கள். இதனால் நல்ல பலனைப் பெறலாம்.

கெட்ட கொலஸ்ட்ரால் குறையும்

இதய ஆரோக்கியத்தை மேம்படுத்துவதில் பூண்டு மிகச்சிறந்த பொருள். ஒருவர் பூண்டு பற்களை தினசரி உணவில் அதிகமாக சேர்த்து வந்தால், உடலில் உள்ள கெட்ட கொலஸ்ட்ரால் குறைவதோடு, இதய நோயின் அபாயமும் குறையும். அதுவும் இதில் உள்ள ஆன்டி-ஆக்ஸிடன்ட்டுகள் தமனிகளில் ப்ளேக்குகள் படிவதைத் தடுத்து, இரத்த ஓட்டத்தை மேம்படுத்துகின்றன.

செரிமானம் மேம்படும்

பூண்டு இதய ஆரோக்கியம் மற்றும் நோயெதிர்ப்பு மண்டலத்தை மேம்படுத்துவது மட்டுமின்றி, செரிமான ஆரோக்கியத்தையும் மேம்படுத்த பெரிதும் உதவி புரிகிறது. அதுவும் இது வயிற்றில் நன்மை விளைவிக்கும் பாக்டீரியாக்களின் வளர்ச்சியை ஊக்குவிக்கிறது. வயிற்றில் இந்த வகை பாக்டீரியாக்கள் சிறப்பாக இருந்தால், அது செரிமானத்தை மேம்படுத்துவதோடு, ஊட்டச்சத்துக்களை உறிஞ்சவும் உதவி புரிகின்றன. ஆகவே செரிமான பிரச்சனைகளை அதிகம் சந்திப்பவர்கள், அதிலிருந்து விடுபட காலையில் வெறும் வயிற்றில் 1 பல் பூண்டு சாப்பிட்டு, சுடுநீரை குடித்து வர, செரிமானம் மேம்படும்.

அழற்சியை குறைக்கும்

நாள்பட்ட அழற்சியானது உடலில் ஆர்த்ரிடிஷ், இதய நோய் போன்ற பல்வேறு பிரச்சனைகளுக்கு வழிவகுக்கும். ஆனால் பூண்டில் உள்ள சக்தி வாய்ந்த அழற்சி எதிர்ப்பு பண்புகள் உடலினுள் உள்ள அழற்சியைக் குறைக்க உதவுகிறது. அதற்கு பூண்டு பற்களை தினசரி உணவில் சேர்ப்பதோடு, காலையில் வெறும் வயிற்றில் உட்கொண்டு வந்தால், இன்னும் சிறப்பான பலனைப் பெறலாம்.

வெற்றுவயிற்றில் பூண்டு சாப்பிடுவதற்கான சரியான வழி

தினமும் காலையில் எழுந்ததும் வெறும் வயிற்றில் பூண்டு சாப்பிடுவதாக இருந்தால், எப்படி சாப்பிடுவது என்று தெரிந்து கொண்டு அவ்வாறு சாப்பிட வேண்டும். பூண்டு சாப்பிட நினைப்பவர்கள், காலையில் ஒரு பூண்டு பல்லை நன்கு மென்று சாப்பிட்ட பின் ஒரு டம்ளர் சுடுநீரை குடிக்க வேண்டும். இப்படி உட்கொள்ளும் போது, பூண்டில் உள்ள அல்லிசின் செயல்படுத்தப்பட்டு, உடலுக்கு பல்வேறு நன்மைகளை வழங்கும்.

நோய்க்கான காரணங்கள்	தடுக்கும் முறைகள்
உடற்பயிற்சியின்றமை	தினசரி நடைபயிற்சி மேற்கொள்ளவும்