திருவள்ளூர் அருகே இருச்சக்கர வாகன விபத்தில் கல்லூரி மாணவர் உட்பட 2 பேர் பலி

திருவள்ளூர் செக்கடி தெருவைச் சேர்ந்தவர் புதின் மகன் தமிம்அன்சாரி வயது 18, மற்றும் காக்களூர் பைபாஸ் சாலை கம்பர் தெருவைச் சேர்ந்தவர் நவீன் வயது 22 .

தனியார் கலைக் கல்லூரியில் முதலாம் ஆண்டு படித்து வருபவர் தமிம்அன்சாரி. பஜார் வீதி பூ கடையில் வேலை செய்துவந்தவர் நனீன். இவர்கள் இருவரும் திருவள்ளூர் - செங்குன்றம் சாலை ஈக்காடு மக்கா நகர் அருகில் இரவு சுமார் 12 மணியளவில் நேற்று இரவு தங்களது ஆர்15 இருசக்கர வாகனத்தில் வந்தபோது செங்குன்றத்திலிருந்து திருவள்ளூர் நோக்கி வந்த கன்டெய்னர் லாரி மோதியதில் இருவரும் கண்டெய்னர் லாரியில் சிக்கி உடல் நசுங்கி சம்பவ இடத்திலேயே பரிதாபமாக உயிரிழந்தனர்.

தகவல் அறிந்து சம்பவ இடத்திற்கு விரைந்து வந்த புல்லரம்பாக்கம் காவல் நிலைய போலீசார், அமரர் ஊர்தி மூலம் இளைஞர்களின் உடலை மீட்டு திருவள்ளூர் அரசு தலைமை மருத்துவமனைக்கு பிரேத பரிசோதனைக்காக அனுப்பி வைத்தனர்.

மேலும் விபத்து குறித்து வழக்குப்பதிவு செய்து கண்டெய்னர் லாரியை ஓட்டி வந்த ஓட்டுநரை தேடி வருகின்றனர்.

18வயது முதலாம் ஆண்டு கல்லூரி மாணவரும் 22 வயதேயான தந்தையை இழந்த இளைஞரும் விபத்தில் உயிர் இழந்ததால் குடும்பத்தினர் பெரும் சோகத்தில் ஆழ்ந்துள்ளனர்.