உங்களை தேடி உங்கள் ஊரில் திட்ட முகாமில் பங்கேற்ற திருவள்ளூர் மாவட்ட ஆட்சியர்

திருவள்ளூர் மாவட்டத்தில் உங்களை தேடி உங்கள் ஊரில் என்ற திட்டத்தின் படி ஆய்வுக்கு சென்ற மாவட்ட ஆட்சியர் அங்கன்வாடி பள்ளியில் மழலைகளுடன் சேர்ந்து மழலைகளாய் மாறி தரையில் அமர்ந்து கொண்டு ஆய்வு செய்த சம்பவம் நெகிழ்ச்சியை ஏற்படுத்தியது.

உங்களைத் தேடி உங்கள் ஊரில்" என்ற திட்டத்தின் கீழ் திருவள்ளூர் மாவட்டம் பூண்டி ஒன்றியம் சீத்தஞ்சேரி அரசு மாதிரி மேல்நிலைப் பள்ளி மற்றும் அங்கன்வாடி மையத்தினை திருவள்ளூர் மாவட்ட ஆட்சித் தலைவர் டாக்டர்.பிரபுசங்கர் பார்வையிட்டு ஆய்வு மேற்கொண்டார். அப்பொழுது பள்ளிகளுக்குள் நேரடியாக சென்று மாணவர்கள் பயிலும் திறமையை பார்வையிட்ட அவர் மாணவர்களுடன் கலந்துரையாடினார்,

அதே போன்று அங்கன்வாடி மையத்திற்கு சென்ற மாவட்ட ஆட்சியர் குழந்தைகளுடன் சேர்ந்து குழந்தையை அமர்ந்து கொண்டு வாழைப்பழம் ஆப்பிள் உள்ளிட்ட அட்டைகளை வைத்து அங்கன்வாடி குழந்தைகளுக்கு பாடம் நடத்தினார்,

பின்னர் மழலைகளுடன் சேர்ந்து மழலையாய் மாறி பேசி சிரித்து மகிழ்ந்தார்,இச்செயல் அங்கிருந்த அதிகாரிகளிடையே வியப்பினை ஏற்படுத்தியது. இதில் அரசு துறை அதிகாரிகள் அங்கன்வாடி ஆசிரியர் வட்டார வளர்ச்சி அலுவலர்கள் உள்ளிட்ட பலரும் உடன் இருந்தனர்.