கிருஷ்ணா கால்வாயில் தவறி விழுந்து முதியவர் பலி
திருவள்ளூர் அருகே கிருஷ்ணா கால்வாயில் தவறி விழுந்து முதியவர் உயிரிழப்பு.
திருவள்ளூர் மாவட்டம் திருவள்ளூர் என்.ஜி.ஓ காலனி பகுதியில் வசிப்பவர் பாலையன், வயது 72. இவர் திருவள்ளூர் ஈக்காடு பகுதியில் உள்ள உறவினர் வீட்டிற்கு சென்றவர், தனது இரு சக்கர வாகனத்தை கிருஷ்ணா கால்வாய் கரையோரம் நிறுத்திவிட்டு, இயற்கை உபாதை கழிப்பதற்காக கால்வாய் அருகே சென்றுள்ளார்.
அப்போது நிலை தடுமாறி தண்ணீரில் தவறி விழுந்ததில் நீரில் அடித்துச் செல்லப்பட்டார். தகவல் அறிந்து சம்பவ இடத்திற்கு விரைந்து வந்த புல்லரம்பாக்கம் காவல் நிலைய போலீசார், தீயணைப்பு துறைக்கு தகவல் கொடுத்ததின் பேரில் சுமார் 9 மணி நேர தேடலுக்குப் பின் பாலையனின் இறந்த உடலை மீட்டனர்.
மேலும் சம்பவம் குறித்து வழக்கு பதிவு செய்த புல்லரம்பாக்கம் காவல் நிலைய போலீசார் விசாரணை நடத்தி வருகின்றனர்.
Next Story
