திருவள்ளூர் மாவட்டத்தில் 201 பேருக்கு கொரோனா

திருவள்ளூர் மாவட்டத்தில் கடந்த சில தினங்களாகவே கொரோனா தொற்று உறுதிசெய்யப்பட்டகளின் எண்ணிக்கை நாளுக்கு நாள் அதிகரித்து வருகின்றது.இதன் வெளிப்பாடாக இன்று ஒரே நாளில் 201 பேருக்கு புதிதாக கொரோனா தொற்று உறுதி செய்யப்பட்டுள்ளது. மேலும் 103 பேர் கொரோனாவிலிருந்து முழுமையாக குணம் அடைந்து வீடு திரும்பியுள்ளனர்.

ஒருவர் கொரோனாவின் காரணமாக உயிரிழந்துள்ளார். இன்று மாவட்டத்தில் கொரோனாவின் காரணமாக மருத்துவமனை மற்றும் வீடுகளில் தனிமைபடுத்துதல் மூலமாக சிகிச்சை பெற்று வருபவர்களின் எண்ணிக்கை 845 ஆக உள்ளது.

மேலும் மாவட்டத்தில் இதுவரை கொரோனா தொற்று உறுதி செய்யப்பட்டவர்களின் எண்ணிக்கை 46,617 ஆகவும், இதில் 45,058 பேர் முழுமையாக குணம் அடைந்து வீடு திரும்பியுள்ளனர். மேலும் மாவட்டத்தில் இதுவரை கொரோனாவின் காரணமாக உயிரிழந்தவர்களின் எண்ணிக்கை 714 ஆக உள்ளது என மாவட்ட நிர்வாகம் தகவல் தெரிவித்துள்ளது.