பெரியபாளையம் அருகே அழுகிய நிலையில் இளம்பெண் உடல் சடலமாக மீட்பு
பெரியபாளையம் அருகே அழுகிய நிலையில் பெண் சடலத்தை மீட்டெடுத்த போலீஸார் அந்த பெண் யார் என்று விசாரணை நடத்தி வருகிறார்கள்.
திருவள்ளூர் மாவட்டம், பெரியபாளையம் அடுத்த பாலவாக்கம் ஜெ.ஜெ. நகர் தனியாருக்கு சொந்தமான மாந்தோப்பு பகுதியில் பெண் சடலம் ஒன்று கிடப்பதாக ஊத்துக்கோட்டை போலீசாருக்கு அப்பகுதியைச் சேர்ந்தவர்கள் தகவல் அளித்தனர். தகவலின் பெயரில் ஊத்துக்கோட்டை காவல்துறை ஆய்வாளர் ஏழுமலை மற்றும் போலீசார் சம்பவ இடத்திற்கு விரைந்து வந்த பார்த்தபோது அழுகிய துர்நாற்றம் வீசிய நிலையில் பெண் ஒருவர் உடலில் காயங்களுடன் இறந்து கிடப்பது தெரியவந்தது.
போலீசார் அந்த சடலத்தை மீட்டு திருவள்ளூர் அரசு மருத்துவக் கல்லூரி மருத்துவமனைக்கு பிரேத பரிசோதனைக்காக அனுப்பி வைத்தனர். இதுகுறித்து வழக்கு பதிவு செய்து இறந்து போன பெண் யார், எதற்காக இறந்து கிடந்தார் யாராவது ஆசை வார்த்தை கூறி அழைத்து வந்து கற்பழித்து கொலை செய்தார்களா? அல்லது வேறு ஏதாவது காரணமா என பல்வேறு கோணங்களில் விசாரணை நடத்தி வருகின்றனர். இச்சம்பவம் அப்பகுதியில் பெரும் பரபரப்பை ஏற்படுத்தி உள்ளது.
