இன்ஸ்டா நியூஸ் செய்தியின் எதிரொலியாக நடப்பட்ட புதிய மின் கம்பம்

பெரியபாளையம் அருகே இன்ஸ்டாநியூஸ் செய்தியின் எதிரொலியாக புதிய மின் கம்பம் நடப்பட்டது.

திருவள்ளூர் மாவட்டம் எல்லாபுரம் ஒன்றியம் பெரியபாளையம் அடுத்த குமரப்பேட்டை ஊராட்சியில் சுமார் 4000 க்கும் மேற்பட்ட மக்கள் வசித்து வருகின்றனர். இந்த நிலையில் இந்த ஊராட்சி அஞ்சாத அம்மன் கோவில் அருகே உள்ள ராளாபாடி ஏரி உள்ளது. இந்த ஏரியின் அருகில் சுமார் 20 ஆண்டுகளுக்கு முன்பு நடப்பட்ட சிமெண்ட் கான்கிரீட் மின் கம்பம் ஒன்று மிகவும் பழுதடைந்து கம்பத்தின் கான்கிரீட்கள் பெயர்ந்து உள்ளே உள்ள கம்பிகள் வெளியே தெரிந்த படி மிக ஆபத்தான நிலையில் காணப்பட்டு வந்தது.

இந்தக் கம்பம் அருகாமையில் பெரியபாளையம் புதுவாயில் சாலை என்பதால் நாள்தோறும் இவ்வழியாக திருவள்ளூர், பெரியபாளையம், தாமரைப்பாக்கம், ஊத்துக்கோட்டை, ஆவடி, திருநின்றவூர், உள்ளிட்ட பகுதிகளுக்கு இவ்வழியை கடந்த தான் செல்ல வேண்டும். இது மட்டுமல்லாமல் இப்பகுதி மக்கள் காலை நேரம் 50க்கும் மேற்பட்ட மக்கள் நடைப்பயிற்சியும் மேற்கொள்வார்கள். சாலை அருகே இந்த பழுதடைந்த கம்பம் உள்ள நிலையில் லேசான மழை மற்றும் சிறிது காற்று அடித்தாலும் இந்த கம்பம் சரிந்து முறிந்து கீழே விழுந்து ஆபத்தை விளைவிக்கும் நிலை இருந்தது.

இப்பகுதி மக்கள் இந்த கம்பத்தை அகற்ற வேண்டும் என பலமுறை மின்வாரிய அதிகாரிகளுக்கு தெரிவித்தும் எவ்வித நடவடிக்கையும் எடுக்கப்படவில்லை என்று கூறப்படுகிறது. இதனையடுத்து இந்த செய்தி கடந்த ஆகஸ்ட் மாதம் 6.ஆம் தேதியன்று இன்ஸ்டாநியூஸ் இணைய செய்தி தளத்தில் வெளியானது.

இந்த செய்தி எதிரொலியாக மின்வாரிய அதிகாரிகள் கவனம் செலுத்தி பழைய பழுதடைந்த கம்பத்தை அகற்றி புதிய கம்பம் நட்டு உள்ளனர். இதனை தொடர்ந்து இந்த பிரச்சினையை தீர்த்து வைக்க உதவியாக இருந்த இன்ஸ்டா நியூஸ் இணைய செய்தி தளத்திற்கு இப்பகுதி மக்கள் நன்றி தெரிவித்து உள்ளனர்.