மதிப்பெண்கள் குறைந்ததால் 12ம் வகுப்பு மாணவி தூக்கிட்டு தற்கொலை

திருவள்ளூர் மாவட்டம் புட்லூர் ஊராட்சி ராமாபுரம் கிராமத்தில் வசித்து வருபவர் ரமேஷ்.இவர் காக்களூர் தொழிற்பேட்டையில் உள்ள தனியார் நிறுவனத்தில் பணியாற்றி வருகிறார். இவரது மகள் அனிதா (17). தனியார் பள்ளியில் பனிரெண்டாம் வகுப்பு படித்து முடித்துள்ளார்.

இந்த நிலையில் அண்மையில் நடந்து முடிந்த 12 ஆம் வகுப்பு பொதுத் பொதுத்தேர்வு தமிழகம் முழுவதும் மாணவர்கள் எழுதி முடித்துள்ளனர். இந்த நிலையில் சமீபத்தில் தேர்வு முடிவுகள் வெளியானது. இதில் அனிதா 600 க்கு 435 மதிப்பெண்கள் பெற்றுள்ளார். நன்றாக படித்து வந்த நிலையில் மதிப்பெண்கள் மிகவும் குறைவாக வந்ததால் மன உளைச்சலுக்கு ஆளானதாக கூறப்படுகிறது.

இந்த நிலையில் வீட்டில் யாரும் இல்லாத நேரம் பார்த்து அனிதா வீட்டில் மின்விசிறியில் தூக்கிட்டு தற்கொலை செய்து கொண்டார். இதற்கிடையே பெற்றோர்கள் நீண்ட நேரம் ஆகியும் அனிதா வீட்டை விட்டு வெளியே வராததால் சந்தேகம் அடைந்து ஆரைக்குள் பார்த்தபோது தூக்கில் தொங்குவதை கண்டு அதிர்ச்சி அடைந்தனர்.

இதுகுறித்து தகவல் அறிந்து சம்பவ இடத்திற்கு சென்ற திருவள்ளூர் தாலுகா போலீசார் அனிதாவின் உடலை கைப்பற்றி உடற்கூறு ஆய்வுக்காக திருவள்ளூர் மாவட்ட அரசு தலைமை மருத்துவக் கல்லூரி மருத்துவமனைக்கு அனுப்பி வைத்தனர்.

பனிரெண்டாம் வகுப்பு பொதுத் தேர்வில் மதிப்பெண்கள் குறைந்ததால் மன உளைச்சலில் மாணவி தற்கொலை செய்து கொண்ட சம்பவம் அந்த பகுதியில் பெரும் சோகத்தை ஏற்படுத்தியுள்ளது.