அரசுப்பள்ளி மாணவர்களுக்கு விலையில்லா மிதிவண்டி வழங்கல்
திருவெள்ளைவாயல் அரசு மேல்நிலைப் பள்ளி மாணவர்களுக்கு விலையில்லா மிதிவண்டி எம்எல்ஏ துரை சந்திரசேகர் வழங்கினார்.
பொன்னேரி அருகே திருவெள்ளைவாயல் அரசுப் பள்ளியில் பயிலும்110 மாணவர்களுக்கு விலையில்லா மிதி வண்டிகளை சட்டமன்ற உறுப்பினர் சந்திரசேகர் வழங்கினார்.
திருவள்ளூர் மாவட்டம் மீஞ்சூர் ஒன்றியத்தில் அடங்கிய திருவெள்ளைவாயல் அரசு மேல்நிலைப் பள்ளியில் பனிரெண்டாம் வகுப்பு கல்வி பயிலும் மாணவ, மாணவிகளுக்கு தமிழக அரசின் விலையில்லா மிதி வண்டிகள் வழங்கும் விழா பள்ளியின் வளாகத்தில் நடைபெற்றது.
இவ்விழாவிற்கு மீஞ்சூர் ஒன்றிய பெருந்தலைவர் அத்திப்பட்டு ஜி.ரவி தலைமை வகித்தார். பள்ளியின் தலைமை ஆசிரியர் புஷ்பலதா, உதவி தலைமை ஆசிரியர்கள் தட்சிணாமூர்த்தி, உதயகுமார், ஊராட்சி மன்ற தலைவர்கள் திருவெள்ளைவாயல் முத்து, வயலூர் கோபி, பெற்றோர் ஆசிரியர் கழக தலைவர் துலுக்கானம், உள்ளிட்டோர் முன்னிலை வகித்தனர்.
இதில் சிறப்பு அழைப்பாளராக பொன்னேரி தொகுதி காங்கிரஸ் சட்டமன்ற உறுப்பினர் துரை சந்திரசேகர் கலந்துகொண்டு பள்ளியில் கல்வி பயிலும் 110 மாணவ மாணவிகளுக்கு தமிழக அரசின் விலையில்லா மிதி வண்டிகளை வழங்கி சிறப்புரை ஆற்றினார். இதில் புருஷோத்தமன், கதிரவன்,நந்தா, அபூபக்கர்,குரு சாலமோன்,பிரபு, ஸ்ரீராம் உள்ளிட்ட பலர் கலந்து கொண்டனர் இறுதியில் உடற்கல்வி ஆசிரியர் ஜெய்சங்கரி நன்றி தெரிவித்தார்.
