முதலமைச்சர் கோப்பை: வெற்றி பெற்ற வருவாய்த்துறையினருக்கு சான்றிதழ் வழங்கல்

திருவள்ளூர் மாவட்டம்,பொன்னேரியில் முதலமைச்சர் கோப்பைக்கான மாவட்ட அளவிலான விளையாட்டு போட்டிகளில் வெற்றி பெற்ற அணியினருக்கு பாராட்டு.

இளைஞர் நலன் மற்றும் விளையாட்டு மேம்பாட்டுத்துறை, தமிழ்நாடு விளையாட்டு மேம்பாட்டு ஆணையம் சார்பில் முதலமைச்சர் கோப்பைக்கான விளையாட்டு போட்டிகள் நடைப்பெற்றது. இதில் மாவட்ட அளவிலான கைப்பந்து போட்டியில் பொன்னேரி வருவாய்த் துறையினர் அணி வெற்றி பெற்றது. வெற்றி பெற்ற அணியினர் அனைவருக்கும் பொன்னேரி வட்டாட்சியர் அலுவலகத்தில் பாராட்டு நிகழ்ச்சி நடைபெற்றது. பொன்னேரி வட்டாட்சியர் செல்வகுமார் வெற்றி பெற்ற கைப்பந்து விளையாட்டு அணியினருக்கு பதக்கங்கள் மற்றும் சான்றிதழ்களை வழங்கி பாராட்டு தெரிவித்தார். இந்த நிகழ்ச்சியில் வருவாய்த்துறையினர் மற்றும் உள்ளாட்சி பிரதிநிதிகள் பலர் கலந்து கொண்டனர்.

2023 ஆம் ஆண்டுக்கான முதலமைச்சர் கோப்பைக்கான மாவட்ட அளவிலான விளையாட்டுப் போட்டிகள் மாவட்ட வாரியாக நடத்தப்பட்டு வருகிறது. ஆன்லைன் மூலம் பதிவு செய்துள்ள விளையாட்டு வீரர் / வீராங்கனைகளுக்குரிய விண்ணப்பங்கள் தங்கள் மாவட்ட இளைஞர் நலன் மற்றும் விளையாட்டு நலன் அலுவலர் அவர்களால் ஒப்புதல் வழங்கப்பட்டு வருகிறது. மேலும், போட்டிகளின் கால அட்டவணை ( இடம், நாள் உள்ளிட்ட விவரங்கள்)

1. www.sdat.tn.gov.in இணையதளத்தில் அந்தந்த மாவட்ட இளைஞர் நலன் மற்றும் விளையாட்டு நலன் அலுவலர் அவர்களால் பதிவேற்றம் செய்யப்பட்டும் வருகிறது. 2. அந்தந்த மாவட்ட நாளிதழ்களின் மூலம் தகவல் தெரிவிக்கப்படுகிறது.3. பதிவு செய்யப்பட்ட அலை பேசி எண்ணிற்கு குறுஞ்செய்தி மூலம் போட்டிகளின் விவரங்கள் தெரிவிக்கப்படுகிறது.