கும்மிடிப்பூண்டி அருகே சிவன் கோயிலுக்கு மகா கும்பாபிஷேகம்
திருவள்ளூர் மாவட்டம், கும்மிடிப்பூண்டி ஒன்றியம், அயநெல்லூர் கிராமத்தில் பசுபதீஸ்வரர் திருக்கோயில் உள்ளது.
இக்கோயில் கும்பாபிஷேகம் கடந்த 8 தேதி பந்தக்கால் நிகழ்ச்சியுடன் தொடங்கி நாள்தோறும் பல்வேறு பூஜைகள் தியாகங்கள் நடத்தப்பட்டு வந்தது.
இதைத்தொடர்ந்து அனுக்ஞை, விக்னேஸ்வர பூஜை, மஹா கணபதி ஹோமம் நவகிரக ஹோமம் லக்ஷ்மி ஹோமம், கிராம தேவதா பூஜை கோபூஜை அஷ்டபந்தனம் சாற்றுதல் உள்ளிட்ட பூஜை நடைபெற்றது.
பின்னர் அருள்மிகு காமாட்சி அம்பாள் உடனுறை பசுபதீஸ்வார் சிவனுக்கு வாஸ்துசாந்தி, பிரவேச பலி, ம்ருத்ஸங்கிரஹணம், அங்குரார்ப்பணம், ரக்ஷாபந்தனம், கலாகர்ஷனம் கும்பலங்காரம், யாகசாலை பிரவேசம், வேதிகார்ச்சனை, மஹா சங்கல்பம், முதற்கால யாக சாலை பூஜை, பூர்ணாஹுதி, மஹா தீபாராதனை, பிரசாத விநியோகம் விசேஷ சந்தி, சகல பரிவார தேவதா ஆவாஹனம், சோம பூஜை, பாலிகா பூஜை, துவார பூஜை மஹா பூர்ணாஹுதி, சதுர்வேத பாராயணம், ராக தாள உபச்சாரம், திராவிட வேதம், மஹா தீபாராதனை, பிரசாத விநியோகம் மற்றும் நாடி சந்தானம் நடைபெறும்.
ஸ்பர்ஸா ஹுதி, இரண்டாம் கால யாக சாலை பூஜை, விசேஷ பூஜை, விசேஷ ஹோமம், சகல சூக்த ஹோமம் மூல மந்தர ஜப ஹோமம், திரவ்யாஹுதி வேதிகார்ச்சனை, ருத்ர பாராயண ஹோமம் மாஹபூர்ணாஹுதி தீபாராதனை நடைபெற்றது.
இதனை தொடர்ந்து சிவாச்சாரியார்கள் யாகசாலையில் புனித நீர் எடுத்து வந்து கோயிலை வலம் வந்து ராஜகோபுரம் மீது புனித நீர் ஊற்றி மகா கும்பாபிஷேகம் செய்தனர். பின்னர் கும்பாபிஷேக விழாவில் கலந்து கொண்ட பக்தர்கள் மீது புனித நீர் தெளிக்கப்பட்டது.
பிற்பகல் 1000.ஆயிரம் பேருக்கு அன்னதானமும், ஸ்ரீ காமாட்சி அம்மனுக்கு திருக்கல்யாணமும் விசேஷ அலங்காரம் செய்யப்பட்டு வீதியுலாவும் நடைபெற உள்ளது.இதில் கும்மிடிப்பூண்டி சட்டமன்ற உறுப்பினர் டி.ஜெ. கோவிந்தராஜன் கலந்துகொண்டு சுவாமி தரிசனம் செய்தார் அவருக்கு ஆலயத்தின் சார்பில் சிறப்பு செய்யப்பட்டது மேலும் இதில் 500 மேற்பட்டோர் கலந்து கொண்டனர். இவ்விழாவில் கலந்து கொண்ட அனைவருக்கும் ஆலயத்தின் சார்பில் அன்னதான பிரசாதங்களும் வழங்கப்பட்டன.
இந்தக் கும்பாபிஷேக விழாவிற்கான ஏற்பாடுகளை அயநெல்லூர் கிராம பெரியவர்கள் மற்றும் ஊராட்சி மன்ற தலைவர், இளைஞர்கள் முன்னின்று சிறப்பாக நடத்தினார்.
