உதயநிதி ஸ்டாலின் பிறந்த நாள் விழா: நலத்திட்ட உதவி வழங்கல்
சேந்தமங்கலம் முதியோர் இல்லத்தில் நடைபெற்ற உதயநிதி ஸ்டாலின் பிறந்த நாள் விழாவில், எம்எல்ஏ பொன்னுசாமி கலந்துகொண்டு நலத்திட்ட உதவி மற்றும் உணவு வழங்கினார்.
நாமக்கல் மாவட்டம், சேந்தமங்கலம் அரசு மகளிர் பள்ளி அருகில் உள்ள முதியோர் இல்லத்தில், உதயநிதி ஸ்டாலின் எம்எல்ஏ, பள்ளிக்கல்வி அமைச்சர் அன்பின் மகேஷ் பொய்யாமொழி பிறந்த நாள் விழா நடைபெற்றது. நிகழ்ச்சிக்கு எம்எல்ஏ பொன்னுசாமி தலைமை வகித்து, முதியோருக்கு நலத்திட்ட உதவி மற்றும் உணவு வழங்கினார்.
ஒன்றிய செயலாளர் அசோக்குமார் முன்னிலை வகித்தார். நகர செயலாளர் தனபாலன், மாவட்ட இளைஞரணி அமைப்பாளர் கதிர்வேல், உதய நிதி ஸ்டாலின் நற்பணி மன்ற தலைவர் சாக்ரட்டீஸ், மாவட்ட மாணவரணி துணை அமைப்பாளர் ஸ்டாலின், சிறுபான்மையினர் அணி அமைப்பாளர் சாம்சம்பத், செல்வராஜ், கிருஷ்ணகுமார், சிங்காரம் உள்ளிட்ட பலர் நிகழ்ச்சியில் கலந்து கொண்டனர்.
