ராசிபுரம் மக்களிடம் விழிப்புணர்வு ஏற்படுத்த ஆட்சியர் கட்டளை..!

ராசிபுரம், அரசு மாவட்டத் தலைமை மருத்துவமனையில் மாவட்ட ஆட்சியர் ச. உமா தலைமையில் நோயாளிகள் நலச்சங்க ஆளும் குழு கூட்டம் நடைபெற்றது. கூட்டத்தில் பங்கேற்று ஆட்சியர் பேசியதாவது:

உள்கட்டமைப்பு வசதிகள் மேம்பாடு

அரசு மருத்துவமனைகளில் உள்கட்டமைப்பு வசதிகளை மேம்படுத்த அரசு பல்வேறு நடவடிக்கைகளை மேற்கொண்டு வருகிறது. அதன்படி நாமக்கல் மாவட்டம், ராசிபுரத்தில் ரூ. 53.39 கோடி மதிப்பில் அரசு மாவட்டத் தலைமை மருத்துவமனையும், திருச்செங்கோட்டில் ரூ. 23 கோடி மதிப்பில் அரசு மருத்துவமனையும் கட்டும் பணி நடைபெற்று வருகிறது.

முதல்வரின் விரிவான மருத்துவ காப்பீடுத் திட்டம்

பொதுமக்களுக்கு உயர் அறுவை சிகிச்சைகள், டயாலிசிஸ் உள்ளிட்ட சிகிச்சைகள் முதல்வரின் விரிவான மருத்துவ காப்பீடுத் திட்டத்தின் கீழ் ரூ. 5 லட்சம் வரை அரசு மருத்துவமனையில் இலவசமாக வழங்கப்பட்டு வருகிறது.

நோயாளிகள் நலச்சங்கக் கூட்டம்

ராசிபுரம், அரசு தலைமை மருத்துவமனை சிறப்பாக செயல்பட வேண்டும் என்ற நோக்கில் நோயாளிகள் நலச் சங்கக் கூட்டம் மூன்று மாதங்களுக்கு ஒருமுறை நடத்தப்படுகிறது.

மருத்துவமனை வசதிகளின் பயன்பாடு

இந்த மருத்துவமனையில் உள்ள 142 படுக்கை வசதிகள், ரத்த வங்கி, 3 டயாலிசிஸ் இயந்திரங்கள், ஜென்செட் முறையாக பயன்படுத்திட வேண்டும்.

விழிப்புணர்வு ஏற்படுத்த வேண்டும்

அரசு மருத்துவமனையில் அளிக்கப்படும் சிறப்பான சிகிச்சைகள் குறித்து மருத்துவர்கள், அரசுத் துறையினர் பொதுமக்களுக்கு விழிப்புணர்வு ஏற்படுத்த வேண்டும் என்றார்.