மோகனூர் அரசு பள்ளி முன்னாள் மாணவர்கள் சந்திப்பு மற்றும் கவிஞர் சிலை திறப்பு விழா

மோகனூர் அரசு பள்ளி முன்னாள் மாணவர்கள் சந்திப்பு மற்றும் கவிஞர் சிலை திறப்பு விழா

நாமக்கல், டிச. 27-

மோகனூர் அரசு மேல்நிலைப்பள்ளியில் முன்னாள் மாணவர்கள் சந்திப்பு மற்றும் நாமக்கல் கவிஞர் ராமலிங்கம்பிள்ளை சிலை திறப்பு விழா நடைபெற்றது.

நாமக்கல் மாவட்டம், மோகனூர் அரசு மேல்நிலைப்பள்ளியில் கடந்த 1991 -1993ம் ஆண்டு பேட்சில், + 1, மற்றும் + 2 படித்த முன்னாள் மாணவ, மாணவிகள் சந்திப்பு விழா நடைபெற்றது. நிகழ்ச்சிக்கு பள்ளி தலைமை ஆசிரியர் அருணாசலம் தலைமை வகித்தார். முன்னாள் ஆசிரியர்களை மாணவர்கள் மலர்தூவி இன் முகத்தோடு வரவேற்றனர். நிகழ்ச்சியில் முன்னாள், ஆசிரியர்கள், ஒரே கலரில் வேஷ்டி, சட்டையும், மாணவர்கள் ஒரே மாதிரியான பாரம்பரிய வேஷ்டி சட்டையும், மாணவிகள் பாரம்பரியமான ஒரே கலரில் புடவையும் அணிந்து வந்து தங்களின் ஒற்றுமையை வெளிப்படுத்தினர். விழாவில், பள்ளியின் நுழைவுவாயில் அருகில் அமைக்கப்பட்டுள்ள, நாமக்கல் கவிஞர் ராமலிங்கம் பிள்ளையின் புதிய திரு உருவச் சிலை திறந்து வைக்கப்பட்டது,

மாணவர்கள் தாங்கள் பயின்ற பள்ளியின் பழைய கட்டிடத்தை ரூ. 3 லட்சம் மதிப்பீட்டில் புதுப்பித்து கொடுத்துள்ளனர். அந்த கட்டிடத்தை முன்னாள் ஆசிரியர்கள், திறந்து வைத்தனர்கள். தொடர்ந்து ஆசிரியர்கள் கவுரவிக்கப்பட்டு, நினைவு பரிசுகள் வழங்கப்பட்டன. பள்ளியில் தற்போது படித்து, அதிக மதிப்பெண்கள் பெற்ற மாணவ மாணவிகளுக்கு பதக்கம் மற்றும் பரிசுகள் வழங்கப்பட்டன. மாற்றுத்திறன் கொண்ட குழந்தைகளுக்கு சுமார் ரூ. 1 லட்சம் மதிப்பிலான நலத்திட்ட உதவிகள் வழங்கப்பட்டது. இப்பள்ளியில் பயின்ற முன்னாள் மாணவ மாணவிகள் தற்போது மாநிலம் முழுவதும் அரசு பணிகள், டாக்டர்கள், வக்கீல்கள், தொழிலதிபர்களாக உள்ளனர்.

மற்றும் பலர் சிங்கப்பூர், மலேசியா, அமெரிக்கா, இங்கிலாந்து உட்பட பல்வேறு நாடுகளில் வசித்து வருகின்றனர். அவர்களில் பெரும்பாலோனோர் விழாவுக்காக பள்ளிக்கு வந்திருந்தனர். அவர்கள் தங்களின் பழைய நினைவுகளை பகிர்ந்து கொண்டும், அப்பள்ளியில் அவர்கள் படித்த வகுப்பறைகள் மற்றும் விளையாடிய மைதானங்கள் ஆகிய இடங்களில் அமர்ந்து தங்கள் பழைய நினைவுகளை பகிர்ந்து கொண்டு மகிழ்ச்சி அடைந்தனர். நிகழ்ச்சியின் நிறைவில் ஆட்டம் பாட்டத்துடன் குரூப் போட்டோ எடுத்துக் கொண்டு தங்கள் மகிழ்ச்சியை வெளிப்படுத்தினார்கள்.

நாமக்கல் கவிஞர் வெ. இராமலிங்கம் பிள்ளை (அக்டோபர் 19, 1888 - ஆகஸ்ட் 24, 1972) தமிழறிஞரும், கவிஞரும், விடுதலைப் போராட்ட வீரரும், சமூக சீர்திருத்தவாதியும் ஆவார். இவர் தன்னுடைய தேசபக்திப் பாடல்கள் மூலம் புகழ்பெற்றார். இவரது "கத்தியின்றி இரத்தமின்றி யுத்தமொன்று வருகுது" என்ற பாடல் இந்திய விடுதலைப் போராட்டத்தில் முக்கிய பங்கு வகித்தது.

நாமக்கல் கவிஞர் தமிழ்நாட்டின் சேலம் மாவட்டம், நாமக்கல்லில் பிறந்தார். இவரது தந்தை வெங்கட்ராமன் பிள்ளை, காவல்துறையில் பணிபுரிந்து வந்தார். இவரது தாயார் அம்மணியம்மாள் ஒரு பக்தியுள்ள பெண்மணி ஆவார். இவர் தங்கள் பெற்றோருக்கு எட்டாவது குழந்தை ஆவார்.

நாமக்கல் கவிஞர் தனது ஆரம்பக் கல்வியை நாமக்கல் மற்றும் கோயம்புத்தூரில் பயின்றார். பின்னர், திருச்சி பிஷப் ஈபர் கல்லூரியில் படித்து பி.ஏ. பட்டம் பெற்றார்.

கல்லூரிப் படிப்பை முடித்த பிறகு, நாமக்கல் கவிஞர் பத்திரிகையாளராகப் பணியாற்றத் தொடங்கினார். இவர் "மணிக்கொடி" மற்றும் "நவசக்தி" போன்ற முக்கியமான இதழ்களில் பணிபுரிந்தார். இவரது கவிதைகள் மற்றும் கட்டுரைகள் இவ்விதழ்களில் வெளிவந்தன.

நாமக்கல் கவிஞர் தன்னுடைய இளம் வயதிலேயே இந்திய விடுதலைப் போராட்டத்தில் ஈடுபடத் தொடங்கினார். இவர் காங்கிரஸ் கட்சியில் சேர்ந்து விடுதலைப் போராட்டத்தில் பங்கேற்றார். இவர் 1930-ஆம் ஆண்டு நடந்த உப்பு சத்தியாகிரகத்தில் கலந்து கொண்டார். இதற்காக இவர் சிறை சென்றார்.

நாமக்கல் கவிஞர் தன்னுடைய கவிதைகள் மூலம் விடுதலைப் போராட்டத்தை ஆதரித்தார். இவரது "கத்தியின்றி இரத்தமின்றி யுத்தமொன்று வருகுது" என்ற பாடல் இந்திய விடுதலைப் போராட்டத்தில் ஊக்கமளிக்கும் பாடலாக அமைந்தது. இவரது "வந்தே மாதரம்" என்ற பாடல் இந்திய விடுதலைப் போராட்டத்தின் போது தேசிய கீதமாகப் பாடப்பட்டது.

நாமக்கல் கவிஞர் ஒரு சமூக சீர்திருத்தவாதியும் ஆவார். இவர் பெண்ணுரிமை, சுயமரியாதை, சட்டம் ஒழுங்கு போன்ற சமூகப் பிரச்சினைகள் குறித்து கவிதைகள் எழுதினார். இவரது கவிதைகள் பெண்ணுரிமை குறித்த ஒரு முக்கியமான கவிதை தொகுப்புகளாகும்

நாமக்கல் கவிஞர் தன்னுடைய படைப்புகளால் தமிழ் இலக்கியத்தில் ஒரு முக்கியமான இடத்தைப் பிடித்துள்ளார். இவர் தமிழ்நாட்டின் முதல் அரசவைக் கவிஞர் ஆவார். இவருக்கு 1954-ஆம் ஆண்டு பத்ம பூஷன் விருது வழங்கப்பட்டது.

நாமக்கல் கவிஞர் 1972 ஆகஸ்ட் 24-ஆம் தேதி சென்னையில் காலமானார். இவரது நினைவாக நாமக்கல் மாவட்டத்தில் ஒரு பெரிய பூங்கா அமைக்கப்பட்டுள்ளது.