தைப்பூச திருவிழாவை முன்னிட்டு கொமதேக சார்பில் 1,008 பால் கூட ஊர்வலம்!

தைப்பூச திருவிழாவை முன்னிட்டு கொமதேக சார்பில் 1,008 பால் கூட ஊர்வலம்

நாமக்கல், ஜன. 25-

கொங்குநாடு மக்கள் தேசிய கட்சி சார்பில் தைப்பூச திருவிழாவை முன்னிட்டு சேந்தமங்கலத்தில் 1,008 பால் கூட ஊர்வலம் நடைபெற்றது.

சேந்தமங்கலம் ஒருங்கிணைந்த ஒன்றிய கொங்குநாடு மக்கள் தேசிய கட்சி சார்பில் தைப்பூச திருவிழாவை முன்னிட்டு, மாதம் மும்மாரி மழை பொழிந்து விவசாயம் செழித்து வளரவவும், கொங்கு நாட்டின் தொழில் வளம் காத்திட வேண்டியும், பிப்ரவரி 4 ல் நடைபெரும் கொங்கு மண்டல எழுச்சி மாநாடு மாபெரும் வெற்றியடைய வேண்டியும் சேந்தமங்கலம் தத்தகிரி முருகனுக்கு 1008 பால்குடம் அபிஷேகம் நடைபெற்றது. முன்னதாக, சேந்தமங்கலம் ஈஸ்வரன் கோவிலில் இருந்து திரளான ஆண்களும், பெண்களும் பால் குடங்களை எடுத்துக்கொண்டு, நகரின் முக்கிய வீதிகளின் வழியாக ஊர்வலமாக தத்தகிரி முருகன் கோவிலுக்கு வந்தடைந்தனர். ஊர்வலத்தில் அலங்கரிக்கப்பட்ட முருகன் சிலை முன்பு, மேளதாளங்கள் முழங்க குதிரையுடன் ஊர்வலமாக வந்தனர். சிறுவர்களும் குழந்தைகளும் காவடி எடுத்து ஊர்வலத்தில் கலந்துகொண்டனர்.

ஊர்வலத்திற்கு, நாமக்கல் தெற்கு மாவட்ட கொமதேக செயலாளர் மாதேஸ்வரன் தலைமை வகித்தார். நாமக்கல் மாவட்ட ஒருங்கிணைந்த விவசாய அணி செயலாளர் ரவிச்சந்திரன், மாவட்ட பொருளாளர் மணி, மாவட்ட வர்த்தக அணி செயலாளர் குரு இளங்கோ, சேந்தமங்கலம் ஒன்றிய செயலாளர் சுந்தர்ராஜ் மாவட்ட இணைச் செயலாளர் சீனிவாசன், இளைஞரணி மாவட்ட நிர்வாகிகள் ஜெகதீஷ், வேல், நகர செயலாளர் பஞ்சாப் ரவி, நகர இளைஞர் அணி ராஜா, விவசாய அணி பொருப்பாளர்கள் அய்யாவு, பாலசுப்ரமணி, மகளிர் அணிஒன்றிய பொருப்பாளர்கள் சுகன்யா, பேபி உள்ளிட்ட பலர் கலந்து கொண்டனர். தத்தகிரி முருகனுக்கு 1,008 குடம் பள்ள அபிஷேகம் முடிந்த பிறகு சிறப்பு அலங்காரம் நடைபெற்றது. பின்னர் மகா தீபாராதனை செய்யப்பட்டு பக்தர்களுக்கு பிரசாதம் மற்றும் அன்னதானம் வழங்கப்பட்டது. பால் கூட ஊர்வலத்தை முன்னிட்டு சேந்தமங்கலம் போலீசார் பாதுகாப்பு ஏற்பாடுகளை செய்து இருந்தனர்.