அந்தியூரில் கல்லூரி மாணவியை கடத்திய வாலிபர் போக்சோவில் கைது

Erode news, Erode news today- அந்தியூரில் கல்லூரி மாணவியை கடத்திய வாலிபரை போலீசார் போக்சோ சட்டத்தின் கீழ் கைது செய்தனர்.

ஈரோடு மாவட்டம் அந்தியூர் அருகே உள்ள வேம்பத்தி மாடங்காட்டு தோட்டத்தைச் சேர்ந்தவர் பழனிச்சாமி. இவருடைய மகன் சிவக்குமார் (வயது 24). இவர், வேம்பத்தி பகுதியைச் சேர்ந்த அந்தியூரில் உள்ள கலை அறிவியல் கல்லூரியில் படித்து வரும் 17 வயது மாணவியை ஆசை வார்த்தை கூறி காதலித்து உள்ளார்.

இதனிடையே, கடந்த சில நாட்களுக்கு முன்பு அந்த மாணவியை அவர் கடத்தி சென்று விட்டதாக மாணவியின் பெற்றோர் அந்தியூர் காவல் நிலையத்தில் புகார் கொடுத்தார். அதன்பேரில், சிவக்குமார் மீது போக்சோ சட்டத்தின் கீழ் போலீசார் வழக்குப்பதிவு செய்து தேடி வந்தனர்.

இதனிடையே மாணவியும், வாலிபரும் நாமக்கல் மாவட்டம் பரமத்தி வேலூர் பகுதியில் ஒரு இடத்தில் இருப்பதாக தகவல் கிடைத்ததும், அங்கு சென்று மாணவியை மீட்டதுடன், வாலிபர் சிவக்குமாரை போலீசார் கைது செய்தனர். பின்னர், சிவக்குமாரை பவானி நீதிமன்றத்தில் ஆஜர்படுத்தி சிறையில் அடைத்தனர்.