ஈரோட்டில் வி.சி., கட்சியினர் அம்பேத்கர் சிலைக்கு மாலை அணிவித்து மரியாதை

ஈரோட்டில் விடுதலை சிறுத்தைகள் கட்சியின் புதிய மாவட்ட செயலாளர்கள் அம்பேத்கர் சிலைக்கு மாலை அணிவித்து மரியாதை செலுத்தினர்.

ஈரோட்டில் புதிதாக அறிவிக்கப்பட்டுள்ள விடுதலை சிறுத்தைகள் கட்சியின் மாவட்ட செயலாளர்கள் ஈரோடு பன்னீர்செல்வம் பூங்காவில் உள்ள அம்பேத்கர் மற்றும் பெரியார் சிலைகளுக்கு மாலை அணிவித்து மரியாதை செலுத்தினர். நிகழ்ச்சிக்கு, ஈரோடு கிழக்கு மாவட்ட செயலாளர் எஸ்.எம்.சாதிக் தலைமை தாங்கினார். ஈரோடு மேற்கு மாவட்ட நம்பியூர் மிசா தங்கவேல், ஈரோடு வடக்கு மாவட்ட செயலாளர் அந்தியூர் ஈஸ்வரன், தெற்கு மாவட்ட செயலாளர் கமலநாதன் ஆகியோர் முன்னிலை வகித்தனர்.

இதில், கோபி சட்டமன்ற தொகுதி துணை செயலாளர் பூபதி ராஜராஜ சோழன், மகளிர் விடுதலை இயக்க ஈரோடு மாவட்ட பொறுப்பாளர்கள் சிறுத்தை சித்ரா, தங்க மணிமேகலை, பவானி, அழகு மணி, கீதா, கிழக்கு மாவட்ட பொறுப்பாளர்கள் அம்ஜத் கான், ஆனந்தன், பைசல், பால்ராஜ், பூபதி, வடக்கு மாவட்ட பொறுப்பாளர்கள் கிருஷ்ணன், தங்கராசு, நாகராஜ், சுரேஷ், தெற்கு மாவட்ட பொறுப்பாளர்கள் மதிவாணன், பழனிச்சாமி, குணவளவன், சந்திரகுமார் மற்றும் மாநில, மாவட்ட, தொகுதி, ஒன்றிய நகரச் பொறுப்பாளர்கள் பங்கேற்றனர்.