போதைக்கு எதிரான தொடர் ஓட்ட அழைப்பிதழ் வழங்கிய ஈரோடு வணிகர் சங்க பேரமைப்பினர்

Erode News, Erode News Today- ஈரோடு மாவட்ட வணிகர் சங்க பேரமைப்பினர், போதை கலாச்சாரத்துக்கு எதிரான தொடர் ஓட்ட போட்டியில் பங்கேற்கும்படி, எக்ஸல் கல்வி குழுமத்தின் சேர்மனுக்கு நேரில் அழைப்பு விடுத்தனர்.

தமிழ்நாடு வணிகர் சங்கங்களின் பேரமைப்பு ஈரோடு மாவட்ட இளைஞர் அணி சார்பில் போதை கலாச்சாரத்துக்கு எதிரான தொடர் ஓட்ட போட்டி வருகிற ஆகஸ்ட் 11ம் தேதி நடக்கிறது. இந்தப் போட்டி நிகழ்ச்சியின் சிறப்பு அழைப்பாளரும், எக்ஸல் கல்வி குழுமத்தின் சேர்மனுமான நடேசனை சந்தித்த ஈரோடு மாவட்ட வணிகர் சங்க பேரமைப்பினர் அழைப்பிதழ் கொடுத்து போட்டி நிகழ்ச்சியில் பங்கேற்க வேண்டும் என வேண்டுகோள் விடுத்தனர்.

இதில், ஈரோடு மாவட்ட தலைவர் ஆர்.கே.சண்முகவேல், ஈரோடு மாவட்ட இளைஞரணி தலைவர் நெல்லை.ஏ.ராஜா, ஈரோடு மாவட்ட இளைஞர் செயலாளர் அ.லாரன்ஸ் ரமேஷ், ஈரோடு மாவட்ட தகவல் தொழில்நுட்ப அணி பொறுப்பாளர் எஸ்கேஎம்.பாலகிருஷ்ணன் உள்ளிட்டோர் கலந்து கொண்டனர். உடன் எக்ஸல், எக்ஸல் பிசியோதெரபி கல்லூரியின் முதல்வர் ஐயப்பன் மற்றும் ஆசிரியர்கள் இருந்தனர்.