ஈரோட்டில் வருகிற 27ம் தேதி விஜய் டிவி சூப்பர் சிங்கர் ஜூனியர் 10 ஆடிஷன்

ஈரோட்டில் விஜய் டிவியின் சூப்பர் சிங்கர் ஜூனியர் 10க்கான ஆடிஷன் வரும் 27ம் தேதி நடக்கிறது.

இந்தியாவின் டிஸ்னி ஸ்டார் நிறுவனத்தின் மூலம் தமிழில் இயக்கப்படும் ஸ்டார் விஜய் டிவி கடந்த 2006ம் ஆண்டு முதல் தொடர்ச்சியாக ஜூனியர், சீனியர் என இரு பிரிவுகளாக சூப்பர் சிங்கர் நிகழ்ச்சியை நடத்தி வருகிறது.

தற்போது சூப்பர் சிங்கர் சீனியர் சீசன் 10க்கான ஆடிஷன் (நேர்முகத் தேர்வு) கடந்த சில தினங்களாக முக்கிய நகரங்களில் நடைபெற்று வந்தது. அந்த வகையில், வரும் 27ம் தேதி (செவ்வாய்க்கிழமை) ஈரோட்டில் நடக்கிறது. ஈரோடு திண்டலில் உள்ள விஇடி கலை அறிவியல் கல்லூரியில் காலை 10 மணிக்கு நடக்கிறது.

இந்த போட்டியில் 6 வயது முதல் 15 வயதுடைய ஈரோடு குட்டீஸ்கள் கலந்து கொள்ளலாம். இதில், முதலில் வருபவருக்கே முன்னுரிமை என்ற அடிப்படையில் இந்த ஆடிஷன் நடக்கிறது. இப்பவே ஒரு பாட்டை பாடி ரெடி பண்ணுங்க ஈரோட்டில் நடக்கும் சூப்பர் சிங்கர் ஜூனியர் 10 ஆடிஷன்ல கலக்குங்க என வேண்டுகோள் விடப்பட்டு உள்ளது.