ஈரோட்டில் மாநில அளவிலான ஐவர் கால்பந்து போட்டி துவக்கம்

Erode Today News, Erode News, Erode Live Updates - ஈரோட்டில் மாநில அளவிலான ஐவர் கால்பந்து போட்டி இன்று (21ம் தேதி) துவங்கியது.

ஈரோடு அரண் ஸ்போர்ட்ஸ் சார்பாக மாநில அளவிலான ஐவர் கால்பந்து போட்டி துவக்க விழா இன்று (21ம் தேதி) நடைபெற்றது. இந்த விழாவில் ஈரோடு நாடாளுமன்ற உறுப்பினர் கே.இ.பிரகாஷ், லயன்ஸ் கிளப் ஆர் கல்யாணசுந்தரம் மற்றும் மாவட்ட கால்பந்து தலைவர் மாநில துணைத்தலைவர் என்.பாலசுப்பிரமணியம் ஆகியோர் போட்டியினை துவக்கி வைத்தனர்.

இந்தப் போட்டியில் மாநில முழுவதில் இருந்தும் அறுபதுக்கு மேற்பட்ட அணிகள் பங்கு பெற்றனர். 12 வயதிற்கு உட்பட்டவர்கள், 14 வயதிற்கு உட்பட்டவர்கள், 17 வயதிற்கு உட்பட்டவர்கள் மற்றும் 19 வயதுக்கு உட்பட்டவர்கள் என நான்கு பிரிவுகளாக போட்டி நடைபெற்று வருகிறது.

போட்டியில் வெற்றி பெறும் வீரர்களுக்கு பரிசு கோப்பைகள் வழங்கப்பட உள்ளது. இப்போட்டிகளை ஈரோடு அரண் ஸ்போர்ட்ஸ் தலைவர் சதீஷ் வேல் மற்றும் இயக்குனர் நித்திய தீபா ஆகியோர் நடத்தி வருகின்றனர்.