அந்தியூரில் நடிகர் சரத்குமார் பிறந்த நாள் விழா

Erode news, Erode news today - அந்தியூரில் நடிகர் சரத்குமாரின் 70வது பிறந்தநாள் விழா இன்று (14ம் தேதி) ஞாயிற்றுக்கிழமை கொண்டாடப்பட்டது.

சுப்ரீம் ஸ்டாராக கொண்டாடப்படும் நடிகர் சரத்குமார் இன்று தனது 70வது பிறந்தநாளை கொண்டாடுகிறார். இதனையொட்டி, சமூக வலைத்தளங்கள் வாயிலாக பிரபலங்கள், ரசிகர்கள் உள்ளிட்ட பல்வேறு தரப்பினரும் வாழ்த்துக்களை தெரிவித்து வருகின்றனர். மேலும், தமிழகம் முழுவதும் உள்ள சரத்குமார் ரசிகர்கள் அவரது பிறந்தநாளை கொண்டாடி வருகின்றனர்.

அந்த வகையில், ஈரோடு மாவட்டம் அந்தியூரில் நடிகர் சரத்குமாரின் 70வது பிறந்தநாள் விழா இன்று (14ம் தேதி) கொண்டாடப்பட்டது. சரத்குமாரின் பிறந்தநாளை முன்னிட்டு அந்தியூர் பத்ரகாளியம்மன் கோவில் சிறப்பு வழிபாடு நடைபெற்றது. சரத்குமார் பூரண நலத்துடன் வாழ வேண்டி, அந்தியூர் குருநாதன் தலைமையில் சிறப்புப் பூஜை நடைபெற்றது.

அதனைத் தொடர்ந்து, பொதுமக்களுக்கு சர்க்கரைப் பொங்கல் வழங்கப்பட்டது. தொடர்ந்து, கோயிலுக்கு வந்த பக்தர்களுக்கு மரக்கன்றுகள் வழங்கப்பட்டது. இதனையடுத்து, அந்தியூர் அரசு மருத்துவமனையில் உடல் உறுப்பு தானம் செய்தவற்கான விண்ணப்பத்தை அளித்தனர். இந்நிகழ்ச்சிகளில், செல்வகுமார், குமார், பூபதி, ராஜா, ஈஸ்வரன் உட்பட பலரும் கலந்து கொண்டனர்.