ஈரோடு மாவட்டத்தில் நாளை (டிச.22) மின்தடை..! உங்க ஏரியா இருக்கானு பாருங்க..!

ஈரோடு மாவட்டத்தில் நாளை (டிசம்பர் 22) பராமரிப்பு பணிகள் காரணமாக மின்தடை ஏற்படும் இடங்களின் விவரம் வெளியிடப்பட்டுள்ளது.

ஈரோடு மாவட்டத்தில், நாளை (டிசம்பர் 22) வெள்ளிக்கிழமை மின்தடை செய்யப்படும் பகுதிகள் குறித்து மின்வாரியம் சார்பில் அறிவிக்கப்பட்டுள்ளது. ஆகையால், நாளை கீழ்கண்ட இந்தப் பகுதிகளில் மின் விநியோகம் இருக்காது என்று மின்வாரியம் தரப்பில் தெரிவிக்கப்பட்டுள்ளது.

அதன்படி, நாளை மின்வாரியம் சார்பில், மின் கம்பங்கள், மின்மாற்றிகளில் உள்ள பழுது மற்றும் செடி கொடிகளை அகற்றும் பணி நடக்க இருக்கிறது. மேலும், இதை சரிசெய்து பின்னர் சீரான மின் விநியோகம் செய்ய நடவடிக்கை மேற்கொள்ளப்பட இருக்கிறது.

இதனால், நாளை பொதுமக்கள் மின் தேவை இருப்பின் மாற்று ஏற்பாடுகளை செய்து கொள்ளுமாறு அறிவுறுத்தப்பட்டுள்ளது. அத்துடன், மின்வாரிய ஊழியர்களுக்கு சிரமம் கொடுக்காமல் உங்கள் பணிகளை செய்யுமாறும், அவர்களுக்கு நல் ஒத்துழைப்பு தருமாறும் கேட்டுக்கொள்ளப்பட்டுள்ளது.

ஈங்கூர் துணை மின் நிலையம் (காலை 9 மணி முதல் மாலை 5 மணி வரை):-

மின்விநியோகம் தடை செய்யப்படும் பகுதிகள்:- பெருந்துறை கோட்டத்தைச் சார்ந்த பெருந்துறை தெற்கு பகுதி, கொங்கு காலேஜ், நந்தா காலேஜ், மூலக்கரை, வெள்ளோடு, ஈங்கூர், பாலப்பாளையம், கவுண்டச்சிபாளையம், மு.பிடாரியூர் வடக்குப்பகுதி, வேலாயுதம்பாளையம், 1010 நெசவாளர் காலனி, தோப்புபாளையம், பெருந்துறை ஆர்.எஸ் மற்றும் பெருந்துறை ஹவுசிங் யுனிட்.

மேட்டுக்கடை துணை மின் நிலையம் வள்ளிபுரத்தான்பாளையம் மின்பாதை (காலை 9.30 மணி முதல் மாலை 5.30 மணி வரை):-

மின்விநியோகம் தடை செய்யப்படும் பகுதிகள்:- கரட்டுப்பாளையம், ராம்நகர், வள்ளிபுரத்தான்பாளையம், வித்யாநகர், நாகமாணிக்கம்நகர், கைலாஸ்கார்டன், ஈ.பி.நகர், கார்கில்நகர், அழகாபுரம் மற்றும் அத்தம்பாளையம் ஆகிய பகுதிகளில் மின்சாரம் இருக்காது என தெரிவிக்கப்பட்டுள்ளது.