அந்தியூர் பேரூராட்சி தூய்மை பணியாளர்களுக்கு புத்தாடைகள் வழங்கிய எம்எல்ஏ!

Erode Live Updates, Erode Today News, Erode News - தீபாவளி பண்டிகையை முன்னிட்டு, அந்தியூர் பேரூராட்சி தூய்மை பணியாளர்களுக்கு புத்தாடைகள் இன்று (28ம் தேதி) வழங்கப்பட்டன.

ஈரோடு மாவட்டம் அந்தியூர் சிறப்பு நிலை பேரூராட்சியில் தூய்மை மற்றும் திடக்கழிவு பணியாளர்கள் பணியாற்றி வருகின்றனர். இந்நிலையில், அக்டோபர் 31ம் தேதி தீபாவளி பண்டிகை முன்னிட்டு, அனைவருக்கும் புத்தாடைகள் வழங்கும் நிகழ்ச்சி பேரூராட்சி அலுவலக வளாகத்தில் இன்று (28ம் தேதி) நடைபெற்றது.

இந்த நிகழ்ச்சிக்கு, பேரூராட்சி தலைவர் பாண்டியம்மாள், துணைத் தலைவர் பழனிச்சாமி ஆகியோர் முன்னிலை வகித்தனர். அந்தியூர் சட்டமன்ற உறுப்பினர் ஏ.ஜி.வெங்கடாசலம் தலைமை தாங்கி, தூய்மை மற்றும் திடக்கழிவு பணியாளர்களுக்கு புத்தாடைகளை வழங்கி தீபாவளி வாழ்த்து தெரிவித்தார். இந்நிகழ்ச்சியில், பேரூராட்சி செயல் அலுவலர் சதாசிவம், துப்புரவு ஆய்வாளர், பேரூராட்சி மன்ற உறுப்பினர்கள், தூய்மை பணியாளர்கள் உள்பட பலர் கலந்து கொண்டனர்.