ஈரோட்டில் தேர்தல் விதிகளுக்கு அமல்..! மூன்று பறக்கும் படைகள் களத்தில்..!

ஈரோடு:

ஈரோடு கிழக்கு தொகுதி இடைத்தேர்தல் அறிவிக்கப்பட்டதால், தேர்தல் நடத்தை விதி அமலுக்கு வந்த நிலையில், மூன்று பறக்கும் படைகள் அமைக்கப்பட்டன.இதுபற்றி, ஈரோடு கிழக்கு தேர்தல் நடத்தும் அலுவலரும், மாநகராட்சி ஆணையருமான மணீஷ், கூறியதாவது:

இடைத்தேர்தலுக்கான அறிவிப்பு

ஈரோடு கிழக்கு தொகுதி இடைத்தேர்தலை, இந்திய தேர்தல் ஆணையம் அறிவித்துள்ள நிலையில், தேர்தல் நடத்தை விதி அமலுக்கு வந்துள்ளது.

தேர்தல் அட்டவணை

♦ ஜனவரி 10 வேட்பு மனுத்தாக்கல் துவக்கம்

♦ ஜனவரி 17 வேட்பு மனுத்தாக்கல் முடிவு

♦ ஜனவரி 18 வேட்பு மனு பரிசீலனை

♦ ஜனவரி 20 வேட்பு மனுவை திரும்ப பெற கடைசி நாள்

♦ பிப்ரவரி 05 ஓட்டுப்பதிவு

♦ பிப்ரவரி 08 ஓட்டு எண்ணிக்கை

♦ பிப்ரவரி 10 தேர்தல் நடத்தை பணி நிறைவு

பறக்கும் படைகள் கண்காணிப்பு

மாவட்ட தேர்தல் அலுவலர் மற்றும் கலெக்டர் தலைமையில், தேர்தல் நடத்தை விதி அமலுக்கு வந்துள்ளது. உடனடியாக மூன்று பறக்கும் படையினர் அறிவிக்கப்பட்டு, 24 மணி நேர கண்காணிப்பை தொடங்கியுள்ளனர்.

அரசியல் கட்சிகள் சார்ந்த விளம்பரங்கள் அகற்றம்

தொகுதிக்கு உட்பட்ட பகுதியில் பொது இடங்கள், அரசு அலுவலகங்களில் அரசியல் கட்சிகள் சார்ந்த பேனர், கொடிக்கம்பம், படங்கள், சிலைகள், பேனர், ஓவியங்கள், விளம்பரங்கள், பெயர் பலகைகள் அகற்றப்படும். அடுத்த, 48 மணி நேரத்துக்குள் தனியார் இடங்கள், கட்டடங்கள், பொது இடத்திலும், இப்பணி முடிக்கப்படும்.

வாக்காளர்கள் விவரம்

தொகுதியில் இரண்டு லட்சத்து, 26,433 வாக்காளர்கள் உள்ளனர். அதில்:

♦ ஆண்கள்: ஒரு லட்சத்து, 9,636

♦ பெண்கள்: ஒரு லட்சத்து, 16,760

♦ மூன்றாம் பாலினத்தவர்: 37

♦ சேவை வாக்காளர், மாற்றுத்திறனாளிகள்: 1,570

ஓட்டுச்சாவடிகள் எண்ணிக்கை

தொகுதியில், 53 இடங்களில், 237 ஓட்டுச்சாவடிகள் உள்ளன.

கட்டுப்பாட்டு அறை துவக்கம்

மாநகராட்சி அலுவலகத்தில் கட்டுப்பாட்டு அறை துவங்கப்பட்டு, அதற்கு தனியான போன் எண், சி-விஜில் ஆப் மூலம் புகார் தெரிவித்தல், கண்காணித்தல் பணிகள் நடைபெறும்.

கண்காணிப்பு குழுக்கள் அமைப்பு

வரும், 10ம் தேதி முதல் நிலை கண்காணிப்பு குழு, வீடியோ கண்காணிப்பு குழு அமைக்கப்படும். தேவையான எண்ணிக்கையில் கூடுதல் பறக்கும் படை அமைக்கப்படும். தேர்தல் பார்வையாளர்கள் வந்ததும், அதற்கான குழுக்களும் அமைக்கப்படும். மீடியாக்களை கண்காணிக்கவும் நடவடிக்கை எடுக்கப்படும்.

தொகை, பரிசு பொருட்கள் பறிமுதல்

தேர்தல் ஆணைய விதிப்படி, ஆவணங்கள் இன்றி எடுத்து வரப்படும், 50,000 ரூபாய்க்கு மேலான தொகை, பொருட்கள், பரிசு பொருட்கள் பறிமுதல் செய்யப்படும். உரிய ஆவணங்களை சமர்பித்து திரும்ப பெறலாம்.

மின்னணு ஓட்டுப்பதிவு இயந்திரங்கள் தயாரிப்பு

ஓட்டுப்பதிவுக்கான மின்னணு ஓட்டுப்பதிவு இயந்திரங்கள் சரிபார்க்கும் பணியும், தயார் செய்யும் பணியும் நடைபெற்று வருகின்றன.