கனரா வங்கி கிராமப்புற பெண்களுக்கு இலவச ஆரி எம்பிராய்டரி பயிற்சி..! சுய வேலை வாய்ப்பு மேம்பாட்டுக்கான முக்கிய முயற்சி..!

ஈரோடு, ஜன.3:

ஈரோட்டில், கனரா வங்கி கிராமப்புற சுய வேலை வாய்ப்பு பயிற்சி நிலையத்தில் பெண்களுக்கு இலவச ஆரி எம்பிராய்டரி பயிற்சி வரும் 9-ம் தேதி முதல் துவங்கப்படுகிறது.

பயிற்சி இடம் மற்றும் காலம்

ஈரோடு மாவட்டம், பெருந்துறை அரசினர் பொறியியல் கல்லூரி சாலையில் வாசவி கல்லூரி அருகே கனரா வங்கி கிராமப்புற சுய வேலை வாய்ப்பு பயிற்சி நிலையம் செயல்பட்டு வருகிறது. இந்த பயிற்சியானது வரும் 9ம் தேதி முதல் துவங்கி பிப்ரவரி மாதம் 17ம் தேதி வரை 30 நாட்களுக்கு நடைபெற உள்ளது.

பயிற்சியின் சிறப்பம்சங்கள்

♦ இலவச சீருடை பயிற்சியின் போது சீருடை இலவசமாக அளிக்கப்படும்

♦ இலவச உணவு பயிற்சியின் போது உணவு இலவசமாக வழங்கப்படும்

♦ சான்றிதழ் பயிற்சியின் முடிவில் சான்றிதழ் வழங்கப்படும்

பயிற்சிக்கான தகுதிகள்

ஈரோடு மாவட்டத்தை சேர்ந்த 18 வயது முதல் 45 வயதுக்கு உட்பட்ட வறுமைக்கோட்டிற்கு கீழ் உள்ளவர்கள், 100 நாள் வேலை திட்டத்தில் இருப்போர், அவர்களது குடும்பத்தினரும் இந்த பயிற்சிக்கு விண்ணப்பிக்கலாம்.

பதிவு செய்யும் முறை

பயிற்சியில் கலந்து கொள்ள விரும்பும் பெண்கள் கீழ்க்கண்ட தொலைபேசி எண்களில் தொடர்பு கொண்டு, முன் பதிவு செய்து கொள்ளலாம்:

0424-2400338

87783 23213

72006 50604

இத்திட்டம் குறித்த மேலும் விவரங்களை அறிய மேற்கண்ட எண்களில் தொடர்பு கொள்ளவும்.