பர்கூர் அருகே நள்ளிரவில் 108 ஆம்புலன்ஸை வழிமறித்த யானைகள்

ஈரோடு மாவட்டம் அந்தியூர் அருகே உள்ள பர்கூர் ஓசூர் ஆரம்ப சுகாதார நிலையத்தில் இரவு 11.50 மணியளவில் மலைப்பகுதியைச் சார்ந்த நந்தினி என்ற கர்ப்பிணி பெண் பிரசவத்திற்கு 108 ஆம்புலன்ஸ் மூலம், அந்த அரசு மருத்துவமனைக்கு அனுப்பி வைத்தனர். வரும் வழியில் மணியாச்சி அருகே வரதள்ளம் என்ற இடத்தில் செல்லும் போது மலைப்பாதையில் யானைகள் குறுக்கிட்டதால் 108 ஆம்புலன்ஸ் மலைப்பாதையில் நிறுத்தப்பட்டது.

அந்தப் பெண் பிரசவ வலியால் மிகவும் ஆபத்தான நிலையில் இருந்ததால் யானைகள் கூட்டம் கலைந்து செல்லாமல் அதிக நேரம் அதே இடத்தில் இருந்ததால் அந்தப் பெண்ணின் நிலை கண்டு 108 ஆம்புலன்சில் உள்ள மருத்துவ உதவியாளர்கள் யானை சென்ற பிறகு மணிபள்ளம் என்ற இடத்தில் நள்ளிரவு 12.10 மணி அளவில் அந்த பெண்ணுக்கு பிரசவம் பார்த்தனர். பிரசவத்தில் அந்தப் பெண்ணிற்கு அழகான பெண் குழந்தை பிறந்துள்ளது. பின்னர் 108 ஆம்புலன்ஸ் மூலம் அந்தியூர் அரசு மருத்துவமனைக்கு கொண்டு சென்றனர். 108 ஆம்புலன்சில் மலைப்பாதையில் பெண்ணுக்கு குழந்தை பிறந்தது பகுதியில் பெரும் பரபரப்பை ஏற்படுத்தியது.