அந்தியூரில் இரு சக்கர வாகனங்கள் நேருக்கு நேர் மோதல்: ஒருவர் உயிரிழப்பு

ஈரோடு மாவட்டம், அந்தியூர் மீனவர் வீதியை சேர்ந்த ரங்கராஜ் மகன் ராஜா. செங்கல் சூளை தொழிலாளியான இவர், நேற்றிரவு தவிட்டுப்பாளையத்திலிருந்து தனது வீட்டிற்கு, தேர்வீதி வழியாக இரு சக்கர வாகனத்தில் வந்து கொண்டிருந்தார்.

அப்போது, எதிரே வந்த இரு சக்கர வாகனத்தில் வந்து கொண்டிருந்த பர்கூர் அருகேயுள்ள தாமரைக்கரையை சேர்ந்த கிரிசாமி என்பவர், ராஜா மீது பலமாக மோதினார்.

இதில் பலத்த காயமடைந்த ராஜா, அந்தியூர் அரசு மருத்துமனையில் முதலுதவி சிகிச்சைக்காக சேர்க்கப்பட்டார். அதன்பின், மேல் சிகிச்சைக்காக ஈரோடு அரசு தலைமை மருத்துவமனையில் சேர்க்கப்பட்டார். இந்நிலையில் சிகிச்சை பலனின்றி ராஜா பரிதாபமாக உயிரிழந்தார். இதுகுறித்து அந்தியூர் போலீஸார் வழக்குப்பதிவு செய்து விசாரணை நடத்தி வருகின்றனர்.