ரூ.2லட்சத்து 90 ஆயிரத்துக்கு வாழைத்தார்கள் விற்பனை

அந்தியூர் புதுப்பாளையம் வாழைத்தார் ஏல நிலையத்தில் வாழை விற்பனை செய்யப்பட்டது. வாழைத்தார் ஏலம் நிலையத்திற்கு கொண்டு வரப்பட்ட கதலி ரக வாழை ஒரு கிலோ 20 ரூபாய்க்கும், நேந்திரம் ஒரு கிலோ 13 ரூபாய்க்கும், செவ்வாழை தார் ஒன்று ரூ.310-க்கும், தேன்வாழை தார் ஒன்று ரூ.300-க்கும், பூவன் தார் ஒன்று ரூ.150-க்கும், மொந்தன் தார் ஒன்று ரூ.150-க்கும், ரஸ்தாளி தார் ஒன்று ரூ.320-க்கும் விற்பனையானது. மொத்தம் 3 ஆயிரம் வாழைத்தார்கள் கொண்டு வரப்பட்ட நிலையில் ரூ.2 லட்சத்து 90 ஆயிரத்திற்கு விற்பனை செய்யப்பட்டது.