கோவை: தரம் உயர்த்தப்பட்ட 4 நகராட்சிகளின் வாக்காளர் பட்டியல் வெளியீடு

கோவை மாவட்டத்தில் சமீபத்தில், கூடலூர், காரமடை, கருமத்தம்பட்டி, மதுக்கரை ஆகிய நான்கு ஊராட்சிகள் நகராட்சிகள் தரம் உயர்த்தப்பட்டுள்ளன. இந்த நான்கு நகராட்சிகளுக்கான வாக்குசாவடிகள், வார்டு எண்ணிக்கை மற்றும் வாக்காளர் பட்டியலை கோவை மாவட்ட ஆட்சித்தலைவர் இன்று வெளியிட்டார்.

அதன்படி நான்கு நகராட்சிகளையும் சேர்த்து மொத்தம் 1 லட்சத்து 30 ஆயிரத்து 134 வாக்காளர்களும் 159 வாக்கு சாவடிகளும் 108 வார்டுகளும் உள்ளன. கூடலூர் நகராட்சியில் 27 வார்டுகள். 49 வாக்கு சாவடிகள். 40,393 வாக்காளர்கள் உள்ளனர்.காரமடை நகராட்சியில் 27 வார்டுகள், 39 வாக்கு சாவடிகள், 30,747 வாக்காளர்களும், கருமத்தம்பட்டி நகராட்சியில் 27 வார்டுகள், 36 வாக்கு சாவடிகள், 30,270 வாக்காளர்களும் உள்ளனர். மதுக்கரை நகராட்சியில் 27 வார்டுகள், 35 வாக்குசாவடிகள், 28,724 வாக்காளர்கள் உள்ளனர். கோவை மாவட்டத்தில் தற்போது தரம் உயர்த்தப்பட்ட நகராட்சிகளுடன் சேர்த்து மொத்தம் 7 நகராட்சிகள் உள்ளன என்பது குறிப்பிடத்தக்கது.