QR Code Scam-பெருகி வரும் QR குறியீட்டு மோசடி..! உஷார்..உஷார்..!

QR Code Scam, Online Scam, What is QR Code Scam, Qr Code Scams in India, Qr Code Frauds in India

ஏமாற்றுப்பேர்வழிகள் , பயனர்களை ஏமாற்றும் பொதுவான வழி என்பதால் QR குறியீடு மோசடி வேகமாக அதிகரித்து வருகிறது. விரிவடைந்து வரும் டிஜிட்டல் பேமெண்ட் துறையில் QR குறியீடு மோசடிகளின் அதிகரிப்பு குறிப்பிடத்தக்க அச்சுறுத்தலை ஏற்படுத்துகிறது.

ஏமாற்றுப்பேர்வழிகள் QR குறியீட்டைப் பயன்படுத்துவதை எளிதாக்குவதன் மூலமாக பயனர்களை மோசடி தளங்களுக்கு வழிநடத்துகிறார்கள். மேலும் முக்கியமான தரவு திருட்டு அபாயத்தை ஏற்படுத்துகிறார்கள்.

QR Code Scam

6 மே 2022 அன்று, டெல்லி முதல்வர் அரவிந்த் கெஜ்ரிவாலின் மகள் ஹர்ஷிதா ஆன்லைன் மோசடிக்கு ஆளானதாக மிண்ட் செய்தி வெளியிட்டது . அவர் பழைய சோபா செட்டை ஆன்லைன் செகண்ட் ஹேண்ட் சந்தையில் விற்க முயன்றார். அதற்கு பதிலாக ரூ. 34,000 ஏமாற்றப்பட்டார். இதுபோன்ற பல வழக்குகள் தாமதமாக வெளி வந்துள்ளன.

QR குறியீடு மோசடி எவ்வாறு நடைபெறுகிறது?

ஆன்லைன் விற்பனை இணையதளத்தில் யாரோ ஒரு பொருளை வைப்பதில் இருந்து மோசடி தொடங்குகிறது. அப்போதுதான் மோசடி செய்பவர்கள் வாங்குபவர்களாகக் காட்டிக்கொண்டு முன்பணம் அல்லது டோக்கன் தொகையைச் செலுத்த QR குறியீட்டைப் பகிர்ந்து கொள்கிறார்கள்.

QR Code Scam

அவர்கள் ஒரு QR குறியீட்டை உருவாக்கி, வாட்ஸ்அப் அல்லது மின்னஞ்சல் மூலம் பொருள் விற்பவர்களுடன் (பாதிக்கப்பட்டவருடன்) பகிர்ந்து கொள்கிறார்கள். அவர்கள் அனுப்பிய QR குறியீட்டை ஸ்கேன் செய்ய பொருள் விற்பவரை கேட்பார்கள். இதன்மூலமாக அவர்கள் நேரடியாக அவர்களின் வங்கிக் கணக்குகளில் பணத்தைப் பெறுவார்கள்.

அவர்களை நம்பி, பொருளை கொடுப்பவர்கள் பணம் தங்கள் வங்கிக் கணக்கில் சேர்ந்துவிடும் எண்ணுவார்கள். இதை சரியானது என்று எண்ணி மோசடி செய்பவர்கள் அனுப்பிய QR குறியீடுகளை ஸ்கேன் செய்கிறார்கள். ஆனால், ஸ்கேன் செய்த அடுத்த நொடியில் அவர்கள் பணத்தை இழக்கிறார்கள்.

QR Code Scam

QR குறியீடு மோசடிகளை எவ்வாறு அடையாளம் காண்பது?

மோசடிகளை அடையாளம் காண, முதலில், QR குறியீடு பணத்தை அனுப்புவதற்காக மட்டுமே ஸ்கேன் செய்யப்படுகிறது. மேலும் பணத்தைப் பெறுவதற்காக அல்ல என்பதை பயனர்கள் அறிந்து கொள்ள வேண்டும்.

"இன்னொரு முக்கியமான நடைமுறை என்னவென்றால், QR குறியீட்டுடன் இணைக்கப்பட்ட URL அல்லது இணையதளத்தை ஆய்வு செய்வது. பாதுகாப்பான இணைப்பைக் குறிக்க "https://" என்று தொடங்குவதை உறுதிசெய்துகொள்ளவும்.

QR Code Scam

மேலும் டொமைன் பெயரில் எழுத்துப்பிழைகள் அல்லது சந்தேகத்திற்குரிய மாறுபாடுகள் குறித்து எச்சரிக்கையாக இருக்கவும். நுகர்வோர் எச்சரிக்கையாக இருக்க வேண்டும். சரியான முடிவுகளை எடுப்பதற்கும், QR குறியீடு மோசடிகளுக்கு இரையாகாமல் தங்களைப் பாதுகாத்துக் கொள்வதற்கும் விழிப்புடன் இருக்க வேண்டும்" என்று Easebuzz இன் தலைமை தொழில்நுட்ப அதிகாரி அமித் குமார் கூறினார்.

"ஏமாற்றும் தந்திரோபாயங்கள் மின்னஞ்சல்களுக்கு நீட்டிக்கப்படுகின்றன. மோசடி செய்பவர்கள் புகழ்பெற்ற நிறுவனங்களாகக் காட்டிக் கொள்கிறார்கள். இது சாத்தியமான அடையாள திருட்டு மற்றும் தீங்கிழைக்கும் மென்பொருள் பதிவிறக்கங்களுக்கு வழிவகுக்கும். நிதி ஆதாயத்திற்காக பயனர்களை ஏமாற்றும் தொடர்ச்சியான யுக்திகளுடன் பிரபலமான தளங்கள் இலக்கு வைக்கப்படுகின்றன" என்று mFilterIt இன் இணை நிறுவனர் மற்றும் CEO அமித் ரெலன் கூறினார்.

QR Code Scam

QR குறியீடு மோசடிகளில் இருந்து எவ்வாறு பாதுகாத்துக்கொள்வது?

QR மோசடிகளிலிருந்து பாதுகாக்க, UPI ஐடிகள் மற்றும் வங்கி விவரங்களை அந்நியர்களுடன் பகிர்வதைத் தவிர்க்கவும், ஆன்லைன் பரிவர்த்தனைகளைச் சரிபார்க்கவும் மற்றும் சந்தேகத்திற்கிடமான QR குறியீடுகளுடன் எச்சரிக்கையுடன் செயல்பட வேண்டும் என்று அமித் ரெலன் கூறினார்.

QR ஆதிக்கம் செலுத்தும் சகாப்தத்தில் பொதுமக்களின் விழிப்புணர்வை மேம்படுத்துவதற்கும் பாதுகாப்பான டிஜிட்டல் கட்டண நடைமுறைகளை மேம்படுத்துவதற்கும் விரிவான வழிகாட்டுதல்கள் தேவை. இது தடையற்ற மற்றும் பாதுகாப்பான டிஜிட்டல் கட்டணச் சூழலை உருவாக்குவதற்கு முக்கியமானது, என்றார்.

QR Code Scam

QR குறியீடு மோசடியைத் தவிர, ஆன்லைன் மோசடிகள் மேற்கொள்ளப்படும் பல வழிகளும் உள்ளன. இவைகளில் இருந்து நம்மை பாதுகாத்துக்கொள்ள நாம் விழிப்போடு இருக்கவேண்டும்.