சேத்துப்பட்டு செய்திகள்: வருவாய்துறை சங்க பொதுக்குழு கூட்டம், அரசு பள்ளியில் நம்ம ஊரு நம்ம பள்ளி திட்டம்

திருவண்ணாமலை மாவட்டம் சேத்துப்பட்டு வட்டாட்சியர் அலுவலக வளாகத்தில், தமிழ்நாடு வருவாய்த்துறை ஊழியர்கள் சங்க வட்டக்கிளை பொதுக்குழு கூட்டம் நடைபெற்றது. கூட்டத்திற்கு, மாவட்ட தலைவர் ஸ்ரீதரன் தலைமை தாங்கினார். சேத்துப்பட்டு வட்டாட்சியர் வெங்கடேசன் முன்னிலை வகித்தார். அனைவரையும் சுப்பிரமணியன் வரவேற்றார்.

இக்கூட்டத்தில், சேத்துப்பட்டு தமிழ்நாடு வருவாய்த்துறை ஊழியர் சங்க வட்டக்கிளை நிர்வாகிகள் தேர்வு நடைபெற்றது. வட்ட தலைவர் சுப்ரமணியன், வட்ட செயலாளர் பிரபாகரன், வட்ட பொருளாளர் முருகானந்தம், வட்ட துணைத் தலைவர்கள் விஜயராணி, தண்டபாணி புத்தர், வட்ட இணை செயலாளர்கள் காஜா, லோகநாதன் மாவட்ட செயற்குழு உறுப்பினர்கள் பிரபு, ஆறுமுகம் ஆகியோர் தேர்ந்தெடுக்கப்பட்டனர்.

மேலும், மாநில வைர விழாவிற்கு தேவையான ஏற்பாடுகள் குறித்து விவாதித்தனர். புதிய நிர்வாகிகளுக்கு மாவட்ட துணைத் தலைவர்கள் பாஸ்கரன், மணி மற்றும் சேத்துப்பட்டு வட்டாச்சியர் வெங்கிடேசன் ஆகியோர் தங்களது வாழ்த்துக்களை தெரிவித்தனர். நாளை 20ஆம் தேதி, சேத்துப்பட்டில் வட்ட வைர விழா மாநாடு நடத்திட இக்கூட்டத்தில் முடிவு செய்யப்பட்டது.

தேவிகாபுரம் அரசு பெண்கள் உயர்நிலைப் பள்ளியில் நம்ம ஊரு நம்ம பள்ளி திட்டத்தில் கணினி

சேத்துப்பட்டு அடுத்த தேவிகாபுரம் அரசு பெண்கள் உயர்நிலைப் பள்ளியில், நம்ம ஊரு – நம்ம பள்ளி திட்டத்தில், ரூ.7லட்சத்தில் கணினி, மாணவிகள் பயன்பாட்டிற்கு தொடங்கி வைக்கப்பட்டது.

சேத்துப்பட்டு அடுத்த தேவிகாபுரம் அரசு பெண்கள் உயர்நிலைப் பள்ளியில், பள்ளிக் கல்வித்துறை அமைச்சர் அன்பில் பொய்யாமொழி உத்தரவின்படி, முதன்மை கல்வி அலுவலர் கணேசமூர்த்தி, செய்யார் கல்வி மாவட்ட அலுவலர் எல்லப்பன் ஆகியோர் வழிகாட்டுதலின்படி, ரூபாய் 7 லட்சம் மதிப்பீட்டில் 15 கணினிகள் அமைக்கப்பட்டு, மாணவிகள் பயன்பாட்டிற்கு கொண்டுவரப்பட்டது.

இந்நிகழ்ச்சிக்கு, தலைமையாசிரியர் சரவணன் தலைமை தாங்கினார். துணைத் தலைவர் மல்லிகா திருநாவுக்கரசு, பள்ளி மேலாண்மை குழு தலைவர் சரோஜினி செல்வராஜ் ஆகியோர் முன்னிலை வகித்தனர். அனைவரையும் உதவி தலைமை ஆசிரியர்கள் மேகலா, சடகோபன் ஆகியோர் வரவேற்றனர். தேவிகாபுரம் ஊராட்சி மன்ற தலைவர் வி.எம்.டி.வெங்கடேசன் பெரியநாயகி, அம்மன் கோயில் அறங்காவலர் குழு தலைவர் மீனாட்சி சுந்தரம் ஆகியோர் சிறப்பு பூஜை செய்து, கணினி வகுப்பறையை தொடங்கி வைத்தனர்.

மேலும், இதே பள்ளியில் ரூபாய் ஏழு லட்சத்தில் புனரமைக்கப்பட்ட இரண்டு வகுப்பறைகளையும் திறந்து வைத்தனர். நிகழ்ச்சியில், ஆசிரியர்கள் மரிய அகி சிலியா, பூங்கொடி சத்யா, புனிதவதி, தேன்மொழி பிரியா மற்றும் பள்ளி மேலாண்மை குழு உறுப்பினர்கள், மாணவிகள், பெற்றோர்கள் கலந்து கொண்டனர்.