திருவண்ணாமலை அருகே கேபிள் டி.வி. அலுவலகத்துக்கு அதிகாரிகள் சீல் வைப்பு

திருவண்ணாமலை மாவட்டம் கண்ணமங்கலம் அடுத்த  காளசமுத்திரம் கிராமத்தில் அரசு கேபிள் டி.வி. சேவையை ஆபரேட்டர் நடராஜன் நடத்தி வந்தார்.

அவர் தமிழ்நாடு அரசு கேபிள் டி.வி. நிறுவனத்திற்கு செலுத்த வேண்டிய நிலுவைத் தொகை ரூ. 49 ஆயிரத்தை செலுத்த கோரி பலமுறை தெரிவிக்கப்பட்டு இருந்தும் செலுத்தாததால் போளூர் வட்டாட்சியர் சண்முகம் முன்னிலையில் கேபிள் டி.வி. ஆபரேட்டர் அலுவலகத்தை வருவாய்த்துறையினர் பூட்டி சீல் வைத்தனர்.

அப்போது மண்டல துணை வட்டாட்சியர் தட்சிணாமூர்த்தி ,சந்தவாசல் வருவாய் ஆய்வாளர் உதயகுமார், கிராம நிர்வாக அலுவலர்கள்,  கிராம உதவியாளர்கள் ஆகியோர் உடன் இருந்தனர்