திருப்பூர் மாநகராட்சியில் நாளை குடிநீர் நிறுத்தம்

திருப்பூர் மாநகராட்சியில் நாளை குடிநீர் விநியோகம் நிறுத்தம் செய்யப்படுகிறது என மாநகராட்சி சார்பில் அறிவிக்கப்பட்டு உள்ளது.

மாநகராட்சி கமிஷனர் கிராந்திகுமார்பாடி வெளியிட்டுள்ள  அறிக்கை: திருப்பூர் மாநகராட்சிக்குட்பட்ட பகுதிகளில் மாநகராட்சி சார்பில் குடிநீர் விநியோகிக்கப்பட்டு வருகிறது. குடிநீர் விநியோகம் செய்யும் மூன்றாவது குடிநீர் திட்டம் என்டிஎடிசிஎல், பவானியில் உள்ள தலைமை நிலையத்தில், நாளை பராமரிப்பு பணிக்காக சுமார் 4 மணி நேரத்திற்கு மின்சாரம் நிறுத்தம் செய்யப்படுகிறது. இதன் காரணமாக மாநகராட்சியில் காலை 9 மணி முதல் மதியம் 1 மணி வரை குடிநீர் விநியோகம் நிறுத்தம் செய்யப்படும். மேலும், செவ்வாய்க்கிழமை வழக்கம்போல் குடிநீர் விநியோகம் நடைபெறும் என தெரிவித்துள்ளார்.