பல்லடம் அருகே மனைவியை கொலை செய்த கணவரை கைது செய்த போலீசார்

திருப்பூர் மாவட்டம் பல்லடம் அருகே அருள்புரம் செந்தூரான் காலனியை சேர்ந்தவர் இளமாறன்.. பனியன் நிறுவனத்தில் தையல் தொழிலாளியாக வேலை செய்து வருகிறார்.

இவரது மனைவி சரிதா, திருமணமாகி 5 ஆண்டுகள் ஆகிறது. இவர்களுக்கு 2 பெண் குழந்தைகள் , ஒரு ஆண் குழந்தை உள்ளனர்.

கணவன், மனைவி இடையே ஏற்பட்ட தகராறு ஏற்பட்டது. சரிதாவை, இளமாறன் அடித்ததாக கூறப்படுகிறது. இந்நிலையில் கடந்த 2 நாட்களுக்கு முன் சரிதாவுக்கு உடல்நிலை பாதிக்கப்பட்டு, பல்லடம் அரசு ஆஸ்பத்திரிக்கு சிகிச்சை பெற ஆட்டோவில் வந்துள்ளார்.

ஆஸ்பத்திரியில் சரிதாவை பரிசோதித்த டாக்டர், அவர் ஏற்கனவே இறந்து விட்டதாக கூறினார். இது குறித்து பல்லடம் போலீஸாருக்கு தகவல் தெரிவிக்கப்பட்டது. பல்லடம் போலீசார் சரிதாவின் உடலை கைப்பற்றி, பிரேத பரிசோதனைக்கு அனுப்பிவைத்தனர்.

இந்நிலையில் தலைமறைவான கணவர் இளமாறனை, போலீஸார் கைது செய்தனர்.