ரயில்வே தண்டவாளத்தில் முதியவர் சடலம்

தூத்துக்குடி மாவட்டம் கோவில்பட்டியில் ரயில்வே தண்டவாளத்தில் கிடந்த முதியவர் சடலம் மீட்கப்பட்டது.

கோவில்பட்டி - நல்லி ரயில்வே நிலையங்களுக்கு இடையே உள்ள இலுப்பையூரணி சுரங்கப்பாதை அருகில் உள்ள தண்டவாளத்தில் முதியவர் சடலம் ஒன்று கிடப்பதாக தூத்துக்குடி ரயில்வே போலீசாருக்கு தகவல் கிடைத்துள்ளது. இதனை தொடர்ந்து சம்பவ இடத்திற்குச் சென்ற ரயில்வே போலீசார் சடலத்தை மீட்டு பிரேதப் பரிசோதனைக்காக தூத்துக்குடி அரசு மருத்துவக் கல்லூரி மருத்துவமனைக்கு அனுப்பி வைத்தனர்.

மேலும் இறந்தவர் யார் ? சுமார் 60 வயது மதிக்கத்தக்க அவர், முழுக்கை சட்டை மற்றும் லுங்கி அணிந்துள்ளார். முதியவர் யார்? எந்த ஊரைச் சேர்ந்தவர் என்பது தெரியவில்லை. ரெயிலில் பயணம் செய்யும் போது தவறி விழுந்தாரா? ரெயில் தண்டவாளத்தை கடக்க முயலும் போது ரயிலில் அடிபட்டு இறந்தாரா? என்பது குறித்து ரெயில்வே போலீஸார் விசாரணை நடத்தி வருகின்றனர்.