முத்துப்பேட்டையில் தமிழ்நாடு மீன்பிடி தொழிற்சங்க கூட்டமைப்பு ஆர்ப்பாட்டம்

திருவாரூர் மாவட்டம் திருத்துறைப்பூண்டியை அடுத்த முத்துப்பேட்டையில் தமிழ்நாடு மீன்பிடித் தொழிற்சங்கங்களின் கூட்டமைப்பு சார்பாக மத்திய அரசை கண்டித்து கண்டன ஆர்ப்பாட்டம் நடைபெற்றது .

அண்மையில் இலங்கை கடற்படையினரால் கைது செய்யப்பட்ட 22 நாகை மீனவர்களை உடனடியாக விடுவிக்க வேண்டும், மீனவர்கள் நல வாரியத்தை செயல்படுத்த வேண்டும், 55 வயதை கடந்த பெண்களுக்கு மாதம் ரூபாய் 3 ஆயிரத்தை உதவி தொகையாக வழங்க வேண்டும் உள்ளிட்ட கோரிக்கைகளை வலியுறுத்தி இந்த கண்டன ஆர்ப்பாட்டம் நடைபெற்றது.

இந்த ஆர்ப்பாட்டத்தில் மாநில செயலாளர் ஜீவானந்தம் ,மாவட்ட தலைவர் செல்லதுரை உள்ளிட்ட அமைப்பை சேர்ந்த 50-க்கும் மேற்பட்டோர் கலந்து கொண்டனர்.