திருவாரூர்:பட்டா வழங்க கோரி 47 குடும்பத்தினர் கலெக்டரிடம் மனு

திருவாரூர் மாவட்டம்  நன்னிலம் பேரூராட்சிக்கு உட்பட்ட சக்கரை குளத்தெருவில் சுமார் 47 தினக்கூலி தொழிலாளர்கள் 40 வருடங்களுக்கு மேலாக குடும்பத்துடன்  வசித்து வருகின்றனர்..

இந்நிலையில் கடந்த 2017 ஆண்டு தனி நபர் ஒருவர் சென்னை உயர்நீதிமன்றத்தில் ஆக்கிரமிப்பு செய்துள்ள வீட்டை காலி செய்ய வேண்டும் என  தொடர்ந்த வழக்கில் அப்போதே ஆக்கிரமிப்புகளை அகற்ற வேண்டும் என சென்னை உயர்நீதிமன்றம் தீர்ப்பு வழங்கியுள்ளது.

இதனை தொடர்ந்து கடந்த 2019 ஆம் ஆண்டு முன்னாள் அமைச்சர் காமராஜ் சக்கரைகுளம் அருகில் 5 வயல்கள் மற்றும் இரண்டு வாய்க்கால்களைதாண்டி (சுமார் 600 மீட்டர் தொலைவில்) பருத்தி திடல் என்ற பகுதிக்கு பட்டா வழங்கியுள்ளார். ஆனால் இன்று வரை அப்பகுதிக்கு செல்ல சாலை வசதியோ, மின்சார வசதியோ, குடிநீர் வசதி களை அவர் ஏற்படுத்தி தரவில்லை.

அப்பகுதிக்கு தனி நபர்களின் வயல் வரப்பு வழியாக செல்ல வேண்டிய நிலையே உள்ளது. மேலும் இதனிடையே இரண்டு வாய்க்கால்கள் குறுக்கே செல்வதால் எப்படி குழந்தைகளை வைத்துக்கொண்டு அதனை தாண்டி செல்வது என்கிற கேள்வியும் எழுகிறது.

இந்த நிலையில் தற்போது நீதிமன்ற அவமதிப்பு வழக்காக மாறியுள்ளதால் வட்டாட்சியர் இங்கு வசிக்கும் மக்களுக்கு நோட்டடீஸ் வழங்கியுள்ளனர், எனவே தமிழக முதலமைச்சர் இப்பகுதி மக்களுக்கு அந்த திடலில் வசிப்பதற்கு தனிப்பட்டா வழங்க வேண்டும், சாலை வசதி, குடிநீர் வசதி, மின்சார வசதி வழங்கவேண்டும் இப்பகுதியில் வசிக்கும் அனைவரும் ஏழ்மையான சூழ்நிலை உள்ளதை கருத்தில் கொண்டு தமிழகஅரசு வீடு வழங்கும் திட்டத்தில் தங்களுக்கு வீடு கட்டி தர வேண்டும்,மேலும் அரசு கொடுத்துள்ள காலக்கெடு ஒரு சில தினங்களில் முடிய உள்ளதால் தங்களது வீடு எந்த நேரமும் இடிக்கப்படும் சூழல் உள்ளது. எனவே தமிழக அரசு  கோரிக்கைகளை நிறைவேற்றி தரவேண்டும் என அப்பகுதி மக்கள்.மாவட்ட ஆட்சியரிடம் மனு அளித்தனர்.