புகார் கொடுத்த 2 மணி நேரத்தில் வழிப்பறி கொள்ளையர்கள் கைது

Theni News Today - தேனி மாவட்டம், உத்தமபாளையம் பைபாஸ் அருகில் உள்ள தனியார் விடுதியில், திண்டுக்கல் மாவட்டம், கொடப்பாறைபட்டி கருப்பணசாமி கோவில் முதல் தெருவை சேர்ந்த சிவனாண்டி (34)யும், அவருடன் வேலை செய்யும் அசாம் மாநிலம் பர்பேடா பகுதியைச் சேர்ந்த பாபுல்அலி(27)யும் அறை எடுத்து தங்கி இருந்தனர்.

அப்போது உத்தமபாளையம் தாமஸ் காலனி வாட்டர் டேங்க் தெருவை சேர்ந்த ராஜவசந்த் (22)அவரின் நண்பர் திருநெல்வேலி மாவட்டம் பனங்குடி மாதா கோயில் பகுதியைச் சேர்ந்த சங்கர் (24) இருவரும் சேர்ந்து இரவு விடுதியின் அறையின் கதவைத் தட்டி சிவபாண்டி மற்றும் பாபுல் அலி ஆகியோரை மிரட்டியும், தாக்கியும் அவர்களிடம் இருந்த 20 ஆயிரம் ரூபாய் மதிப்புள்ள இரண்டு செல்போன்கள் மற்றும் 7000 ரூபாய் ரொக்க பணத்தை பறித்து சென்றனர்.

இதுகுறித்து உத்தமபாளையம் எஸ்.ஐ., திவான் மைதீனிடம் புகார் செய்யப்பட்டது. இதனை தொடர்ந்து சைபர் கிரைம் போலீசார் உதவியுடன் அடுத்த இரண்டு மணி நேரத்தில் இருவரையும் போலீசார் கைது செய்தனர்.

அடுத்த முக்கியமான செய்திகளை தெரிந்துகொள்ள: Click Here-1, Click Here-2